პრემიერ-მინისტრის განახლებული ბიუჯეტი.
მონაცემები ბიუჯეტის შესახებ.
პრემიერ-მინისტრის განახლებული ბიუჯეტის ახალი ინიციატივები უფრო მეტი ზრუნვის, უფრო მეტი აღმშენებლობისა და უფრო მეტი დასაქმებისთვის, ასე გამოიყურება:
► მცირდება საშემოსავლო გადასახადი 25% -იდან 20%-მდე
► მცირდება დივიდენდებზე გადასახადი 10%-იდან 5 %-მდე
► მასწავლებლების ხელფასი იზრდება 50 ლარით, 25 ლარით 1 იანვრიდან და 25 ლარით 1 სექტემბრიდან
► იზრდება სიღარიბის ზღვარს ქვემოთ დაზღვეულთა რაოდენობა 700 ათასიდან 900 ათასამდე
► მნიშვნელოვნად, 169 მილიონი ლარით, იზრდება სოციალური პაკეტი:
• 10 ლარით იზრდება პენსია ასაკით პენსიონერთათვის - 5 ლარით იანვრიდან და 5 ლარით ნოემბრიდან
• 5 ლარით იზრდება დახმარება შეზღუდული შესაძლებლობების პირებისათვის 1 ნოემბრიდან
• ყველა სტაჟის და დამსახურების დანამატი ხდება 10 ლარი და შედის საპენსიო პაკეტში ( აქამდე ზოგი იღებდა 2 ლარს, ზოგი 5 ლარს, ზოგი 7 ლარს, ზოგიც 10 ლარს)
• იზრდება სიღარიბის ზღვარს ქვემოთ მყოფთა დახმარება - აქამდე თუ იყო 30 ლარი და თითოეულ დამატებით წევრზე 12 ლარი - ეს ციფრი იზრდება 24 ლარამდე
• იზრდება სიღარიბის ზღვარს ქვემოთ ბენეფიციართა რიცხვი - ყველაზე ღარიბი 400 ათასი მიიღებს 30+24 (30 ოჯახზე +2 4 თითოეულ დამატებით წევრზე), 2009 წლიდან შემდეგი 200 ათასი მიიღებს 20+16, შემდეგი 300 ათასი 10+8. ანუ დახმარებას 900 ათასი ყველაზე გაჭირვებული მიიღებს.
► 57 მილიონი ლარით იზრდება პროექტები სოფლის დასახმარებლად
• 22 მილიონი ლარი გამოყოფილია ტრაქტორების და სახნავ -სათესი ტექნიკის შესაძენად და ტრაქტორიზაციის პროგრამის გასაგრძელებლად
• 15 მილიონი ლარი გადანაწილდება ყველა სფეროზე იმისათვის, რომ დაფინანსდეს კონკრეტული მცირე პროექტები, რომელთაც განახორციელებს თავად სოფლის მოსახლეობა.
• 20 მილიონი ლარი გამოიყოფა იაფი კრედიტების გასაცემად სოფლის მეურნეობაში ახალი სამუშაო ადგილების შესაქმნელად.
►სულ გზების მშენებლობაზე დაიხარჯება 500 მილიონი ლარი, აქედან 120 მილიონი ლარი გათვალისწინებულია შიდა რაიონულ და სოფლის გზებზე
►ბიუჯეტის ჯამური ასიგნებები შეადგენს 6,25 მლრდ ლარს
►"ქამრის მოჭერა " - იგეგმება მნიშვნელოვანი შემცირება სახელმწიფო ადმინისტრაციული ხარჯებისა. დაზოგილი თანხა მიიმართება სოციალურ მიზნებზე
►ბიუჯეტის პროექტზე მუშაობა გრძელდება, გაგრძელდება პარლამენტშიც და შესაძლებელია გარკლვეული სოციალური პარამეტრები კიდევ უფრო გაიზარდოს.