27 ნოემბერს საქართველოს პრემიერ-მინისტრი ზურაბ ნოღაიდელი იმერეთის რეგიონს ეწვია.
პრემიერ-მინისტრი დაესწრო თერჯოლის რაიონში მდებარე ძევრულჰესის ექსპლუატაციაში შესვლიდან 50 წლისთავისადმი მიძღვნილ ღონისძიებებს.
ზურაბ ნოღაიდელმა აგრეთვე დაათვალიერა შაორჰესში რეაბილიტაციის სამუშაოების მიმდინარეობა. შაორჰესი და ძევრულჰესი ყოველწლიურად 50 მეგავატ ელექტროენერგიას გამოიმუშავებენ. ,, - მინდა გითხრათ, რომ ორივე ჰესი გამართულად მუშაობს, შესაბამისად, ჩვენი ყველა დანაპირები ძალაშია და საქართველოს ენერგოსექტორი ზამთრის პერიოდს სრულ მზადყოფნაში ხვდება. ამ შედეგებისთვის მინდა ყველა ენერგეტიკოსს მადლობა გადავუხადო" - განაცხადა პრემიერ-მინისტრმა.
ზურაბ ნოღაიდელთან ერთად იმერეთის რეგიონში იმყოფებოდნენ: ენერგეტიკის მინისტრი ნიკა გილაური და გაერთიანებული სადისტრიბუციო კომპანიის მმართველი დინ უაითი.
საქართველოს მთავრობის კანცელარიის პრესცენტრი