2011 წლის 1 ნოემბერს საქართველოს პრემიერ-მინისტრი ნიკა გილაური სასტუმრო „რედისონში" კერძო სექტორის წარმომადგენლებს შეხვდა. 
ნიკა გილაურმა ბიზნესმენებს საქართველოს მთავრობის „ათპუნქტიანი გეგმის" დეტალებზე ესაუბრა და დასმულ კითხვებს უპასუხა.
„მთავარი მიზანია სამუშაო ადგილების შექმნა. კერძო სექტორმა სამუშაო ადგილები უნდა შექმნას. მნიშვნელოვანია მათი აზრი და მოსაზრებები. დღეს დაისვა რამოდენიმე კითხვა, რომელიც ეხებოდა საერთაშორისო ეკონომიკურ კრიზის, რამდენად აისახება ის საქართველოზე უახლოესი 6-9 თვის განმავლობაში, საქართველოს ექსპორტზე და ინვესტიციებზე. 
მსოფლიო ეკონომიკური კრიზისი გარკვეულწილად აისახება ქვეყნის 
ეკონომიკაზე, თუმცა იმის გამო, რომ ჩვენი ეკონომიკა საკმაოდ დივერსიფიცირებულია, როგორც ვაჭრობის მხრივ, ასევე ინვესტიციების მხრივ, ამ მიმართულებით ნაკლებ პრობლემებს ველოდებით," - აღნიშნა ნიკა გილაურმა ბიზნესმენებთან შეხვედრის შემდეგ.
პრემიერ-მინისტრის პრესსამსახური