საქართველოს პრემიერ-მინისტრი ბიძინა ივანიშვილი საქართველოს მთავრობის კანცელარიაში ევროსაბჭოს საპარლამენტო ასამბლეის წარმომადგენლებს შეხვდა. ბიძინა ივანიშვილმა
ევროსაბჭოს წარმომადგენლებს მადლობა გადაუხადა საპარლამენტო არჩევნებში ქართველი ხალხის მხარდაჭერისთვის და იმ განსაკუთრებული როლისთვის, რომელსაც ევროსაბჭო რუსეთთან ურთიერთობების დარეგულირების კუთხით იჩენს. 
შეხვედრაზე მხარეებმა საქართველო-რუსეთის ურთიერთობების საკითხზე და თვითმმართველობების განვითარების აუცილებლობის შესახებ ისაუბრეს. საუბარი ასევე შეეხო საქართველოში მიმდინარე პოლიტიკურ პროცესებს და გამოითქვა იმედი, რომ ახალი ხელისუფლება ღირსეულად გაუმკლავდება იმ გამოწვევებს, რომლის წინაშეც დღეს ქვეყანა დგას.
პრემიერ-მინისტრის პრესსამსახური