2005 წლის 27-28 თებერვალს საქართველოს პრემიერ-მინისტრი ზურაბ ნოღაიდელი, სხვა ოფიციალურ პირებთან ერთად, ოფიციალური ვიზიტით იმყოფებოდა უკრაინაში.
საქართველოდან ჩასულ სტუმრებს კიევის აეროპორტში დახვდნენ უკრაინის ვიცე პრემიერ-მინისტრი მიკოლა ტომენკო, უკრაინის საგარეო საქმეთა მინისტრის მოადგილე იგორ დოლგოვი, უკრაინის საგანგებო და სრულუფლებიანი ელჩი საქართველოში მიკოლა სპისი, საქართველოს საგანგებო და სრულუფლებიანი ელჩი უკრაინაში გრიგოლ ქათამაძე, კიევის მერის მოადგილე ვლადიმერ იალოვი, უკრაინის საგარეო საქმეთა სამინისტროს სახელმწიფო პროტოკოლის სამმართველოს უფროსი ვლადიმერ ბევზა, უკრაინის საგარეო საქმეთა სამინისტროს III ტერიტორიალური სამმართველოს უფროსი იგორ პროკჩუკი.
საქართველოს პრემიერ-მინისტრი ზურაბ ნოღაიდელი შეხვდა უკრაინის მასობრივი ინფორმაციის საშუალებების წარმომადგენლებს.
28 თებერვალს საქართველოს პრემიერ-მინისტრი გაემგზავრა მინისტრთა კაბინეტის კლუბში, სადაც მას დახვდა უკრაინის პრემიერ-მინისტრი იულია ტიმოშენკო. პრემიერ-მინისტრი დაესწრო უკრაინა-საქართველოს სამთავრობოთაშორისი ეკონომიკური კომისიის მეხუთე სხდომის გახსნას.საქართველოს პრემიერ-მინისტრი ზურაბ ნოღაიდელი შეხვდა უკრაინის პრემიერ-მინისტრ იულია ტიმოშენკოს გაფართოებული შემადგენლობით. ხელი მოეწერა უკრაინა-საქართველოს სამთავრობოთაშორისი ეკონომიკური კომისიის სხდომის ოქმს. გაიმართა საქართველოსა და უკრაინის პრემიერ-მინისტრთა ერთობლივი პრესკონფერენცია.
საქართველოს პრემიერ-მინისტრმა ზურაბ ნოღაიდელმა და უკრაინის პრემიერ მინისტრმა იულია ტიმოშენკომ მონაწილეობა მიიღეს ქართული პროდუქციის პრეზენტაცია-გამოფენის გახსნაში. ამავე დღეს საქართველოს პრემიერ-მინისტრი შეხვდა უკრაინის პრეზიდენტს ვიქტორ იუშენკოს. შემდეგ იგი გაემგზავრა უკრაინის ვერხოვნა რადაში, სადაც გაიმართა შეხვედრა უკრაინის ვერხოვნა რადას თავმჯდომარესთან ვლადიმერ ლიტვინთან.
საქართველოს პრემიერ-მინისტრმა მონაწილეობა მიიღო ქართული პროდუქციის პრეზენტაცია-გამოფენისადმი მიძღვნილ ქართული მხარის მიერ ორგანიზირებულ მიღებაში. საღამოს გაიმართა ოფიციალური სადილი უკრაინის პრემიერ-მინისტრის იულია ტიმოშენკოს სახელით.
1 მარტს საქართველოს პრემიერ-მინისტრი ზურაბ ნოღაიდელი შეხვდა უკრაინის თავდაცვის მინისტრს ანატოლი გრიცენკოს. საქართველოს პრემიერ-მინისტრმა გვირგვინით შეამკო უცნობი ჯარისკაცის საფლავი.
საქართველოს მთავრობის კანცელარიის პრესცენტრი