საქართველოს პრემიერ-მინისტრი ზურაბ ნოღაიდელი 2005 წლის 4-5 მარტს სამუშაო ვიზიტით იმყოფებოდა აზერბაიჯანის რესპუბლიკაში.
საქართველოს პრემიერ-მინისტრს ბაქოს აეროპორტში დახვდა აზერბაიჯანის პრემიერ-მინისტრის პირველი მოადგილე აბას აბასოვი, საქართველოს საგანგებო და სრულუფლებიანი ელჩი აზერბაიჯანში ზურაბ გუმბერიძე და აზერბაიჯანის რესპუბლიკის საგანგებო და სრულუფლებიანი ელჩი საქართველოში რამიზ ჰასანოვი.
საქართველოს პრემიერ-მინისტრმა ზურაბ ნოღაიდელმა გვირგვინით შეამკო აზერბაიჯანის ყოფილი პრეზიდენტის ჰეიდარ ალიევის საფლავი და "შეხიდლერ ჰიაბანის” მემორიალი.
აზერბაიჯანის რესპუბლიკის მინისტრთა კაბინეტში საქართველოს პრემიერ-მინისტრი ზურაბ ნოღაიდელი შეხვდა აზერბაიჯანის რესპუბლიკის პრემიერ-მინისტრის პირველ მოადგილეს, აზერბაიჯანი-საქართველოს სამთავრობოთაშორისო სახელმწიფო კომისიის თანათავმჯდომარეს აბას აბასოვს. შემდეგ შეხვედრა გაიმართა აზერბაიჯანის რესპუბლიკის პრეზიდენტთან ილხამ ალიევთან. საღამოს გაიმართა ოფიციალური სადილი აზერბაიჯანის რესპუბლიკის მთავრობის სახელით.
საქართველოს მთავრობის კანცელარიის პრესცენტრი