2008 წლის 27 მაისს გაიმართა საქართველოს მთავრობის სხდომა. დღის წესრიგში შეტანილი იყო 11 საკითხი. დღის წესრიგი
მთავრობის სხდომის დაწყებამდე საქართველოს პრემიერ-მინისტრმა ვლადიმერ გურგენიძემ დამსწრეთ მიულოცა 26 მაისი - საქართველოს სახელმწიფოებრიობის აღდგენის დღე. შემდეგ მან აღნიშნა, რომ ამ დღეებში ძალზე დაძაბული მუშაობა გველის, რადგან დაწყებულია მუშაობა 50-თვიან პროგრამაზე. ჩვენი პროფესიული და მოქალაქეობრივი ღირსების საკითხია ის, რომ მასში ადეკვატურად ავსახოთ ყველა დაპირება, რამაც წინასაარჩევნო პლატფორმა შეადგინა. პრეზიდენტის ყველა დაპირება, პროგრამის ყველა კომპონენტი, რომელიც მთავრობას ეხება, სრულად არის ასახული მიმდინარე წლის ბიუჯეტში. საქართველოს პრემიერ-მინისტრმა მადლობა გადაუხადა მთავრობის წევრებს იმისათვის, რომ პრაქტიკულად შესრულდა 50-დღიანი პროგრამის ყველა პუნქტი, დაწყებულია ამ პროგრამით გათვალისწინებული ყველა ინიციატივის განხორციელება და აღნიშნა, რომ დიდი ძალისხმევა გვმართებს, რათა ისინი ბოლომდე მივიყვანოთ, ხოლო 50-თვიანი პროგრამა ასეთივე წარმატებით განვახორციელოთ.
საქართველოს მთავრობის კანცელარიის საორგანიზაციო დეპარტამენტი