2007 წლის 31 ივლისს გაიმართა მთავრობის სხდომა. დღის წესრიგში შეტანილი იყო 13 საკითხი. დღის წესრიგი
სხდომის დაწყებისას საქართველოს პრემიერ-მინისტრმა ზურაბ ნოღაიდელმა დამსწრეთ აცნობა, რომ 28 ივლისს თამარაშენში გაიმართა ყოფილი სამხრეთ ოსეთის ავტონომიური ოლქისათვის საქართველოს სახელმწიფოს ფარგლებში ავტონომიური სტატუსის განსაზღვრასთან დაკავშირებით წინადადებების შემმუშავებელი კომისიის სხდომა. მან თქვა, რომ შეიქმნა და დაკომპლექტდა ხუთი ჯგუფი, რომლებიც იწყებენ ინტენსიურ სამუშაო პროცესს. კომისიის მორიგ სხდომაზე, რომელიც 15 აგვისტოს თბილისში გაიმართება, იმსჯელებენ რეგიონში მოსაგვარებელ მიმდინარე საკითხებზე, ხოლო თვის ბოლოს, ან სექტემბრის დასაწყისში შეკრებისას განიხილება სტრატეგიული საკითხები. საქართველოს პრემიერ-მინისტრმა მოუწოდა ყველა სამინისტროს ინტენსიურად იმუშაონ მიღებულ დავალებათა შესაბამისად კომისიის მორიგ სხდომაზე განსახილველი საკითხების მოსამზადებლად.
საქართველოს მთავრობის კანცელარიის პრესცენტრი