ქ. თბილისის მერიის მიერ განსახორციელებელ ღონისძიებათა ქ. თბილისის ბიუჯეტის სახსრებით სახელმწიფო შესყიდვების ერთ პირთან მოლაპარაკების საშუალებით განხორციელების უფლებამოსილების ქ. თბილისის მერიისათვის მინიჭების შესახებ
"სახელმწიფო შესყიდვების შესახებ" საქართველოს კანონის მე-10 მუხლის მე-3 პუნქტის "ე" ქვეპუნქტის შესაბამისად:
1. ქ. თბილისის მერიას, მის მიერ განსახორციელებელ ღონისძიებათა შეზღუდულ ვადებში განხორციელების უზრუნველსაყოფად მიენიჭოს უფლებამოსილება, რომ ქ. თბილისის ბიუჯეტის სახსრებიდან ქ. თბილისის საკრებულოს 2007 წლის 28 დეკემბრის N15-74 გადაწყვეტილებით დამტკიცებული ქ. თბილისის 2008 წლის ბიუჯეტის თანახმად გამოყოფილი თანხებით სახელმწიფო შესყიდვები განა-ხორციელოს ერთ პირთან მოლაპარაკების საშუალებით.
2. ქ. თბილისის ბიუჯეტის სახსრებიდან ქ. თბილისის საკრებულოს 2007 წლის 28 დეკემბრის N15-74 გადაწყვეტილებით დამტკიცებულ ასიგნებათა შესაბამისად ერთ პირთან მოლაპარაკების საშუალებით სახელმწიფო შესყიდვა განხორციელდეს:
ა) ქალაქგაფორმებითი ღონისძიებების (ორგანიზაციული კოდი 01 02 04) უზრუნველყოფასთან დაკავშირებით;
ბ) კულტურის სფეროში მიზნობრივი პროგრამის _ "სახელმწიფო დღესასწაულები" (ორგანიზაციული კოდი 01 08 01) უზრუნველყოფასთან დაკავშირებით.
3. ამ განკარგულების პირველი პუნქტით გათვალისწინებული წესით სახელმწიფო შესყიდვები განხორციელდეს მიმდინარე წლის 25-31 დეკემბრის ჩათვლით.
4. განკარგულება ძალაშია ხელმოწერის დღიდან.
პირველი ვიცე-პრემიერი ნიკა გილაური