საქართველოს მთავრობის განკარგულება N587
22 დეკემბერი, 2006
საქართველოს ლტოლვილთა და განსახლების სამინისტროს მიერ იძულებით გადაადგილებულ პირთა - დევნილთა ოჯახების ზამთრის სეზონისათვის შეშით მომარაგების უზრუნველყოფის შესახებ
2006-2007 წლის ზამთრის სეზონის მზადებასთან დაკავშირებით საქართველოს ლტოლვილთა და განსახლების სამინისტრომ (გ. ხევიაშვილი):
ა) ,,საქართველოს 2006 წლის სახელმწიფო ბიუჯეტის შესახებ" საქართველოს კანონით გათვალისწინებული ,,დევნილთა შენახვის ხარჯები ორგანიზებულად ჩასახლების ადგილებზე" (ორგანიზაციული კოდი - 34 04) ასიგნებებიდან 300 000 (სამასი ათასი) ლარი მიმართოს იძულებით გადაადგილებულ პირთა - დევნილთა ოჯახების შეშით უზრუნველყოფისათვის;
ბ) ამ განკარგულების პირველი პუნქტიდან გამომდინარე სახელმწიფო შესყიდვები განახორციელოს ,,სახელმწიფო შესყიდვების შესახებ" საქართველოს კანონის მე-10 მუხლის მე-3 პუნქტის ,,ე" ქვეპუნქტის შესაბამისად.
პრემიერ-მინისტრი ზურაბ ნოღაიდელი