საქართველოს მთავრობა government.gov.ge |
თურქეთის პრემიერ–მინისტრის ვიზიტი დასრულდა
2017-05-23 დასრულდა თურქეთის პრემიერ-მინისტრის ოფიციალური ვიზიტი საქართველოში. ბინალი ილდირიმი თბილისის შოთა რუსთაველის სახელობის საერთაშორისო აეროპორტიდან საქართველოს პრემიერ-მინისტრმა გიორგი კვირიკაშვილმა გააცილა. დღეს საქართველოს მთავრობის მეთაურმა, თურქ კოლეგასთან ერთად, საქართველო-თურქეთის მაღალი დონის სტრატეგიული თანამშრომლობის საბჭოს რიგით მე-2 სხდომას უხელმძღვანელა, რომლის ფარგლებშიც ხელი მოეწერა მნიშვნელოვან დოკუმენტებს ეკონომიკის, კულტურის, იუსტიციისა და კიბერუსაფრთხოების მიმართულებით.
პრემიერ-მინისტრის პრესსამსახური
|