2023-07-10
.jpeg)
Қырҭтәыла аҧыза-министр Иракли Ҕарибашвили инапхгарала, аиҳабыра радминистрациаҿы аиҳабыра реилатәара мҩаҧган. Аминистрцәа амш аусхәаҧштә ала иазҧхьагәаҭаз 5 зҵаарак ирыхәаҧшит.
Аилатәараҿы изхәаҧшыз апроект инақәыршәаны, акьыба ачымазара адиагноз змоу ахәыҷқәа зегьы, аҳәынҭқарра аҧарала, адиагностика амҩаҧгареи аҽыхәышәтәреи рылшоит Қырҭтәылеи, иара убас, Ҭырқәтәылеи, Израили, Испаниеи иреиҕьу аклиникақәа рҿы.
Ари апроект шықәсыктәи абиуџьет 30 миллион лари иаҟароуп.
Заанаҵы имҩаҧгаз аҭҵаарақәа рышьаҭала, аҳәаанырцә ахәыҷқәа рхәышәтәразы иалхуп ҳаамҭазтәи астандартқәа ирышьашәалоу, жәларбжьаратәи акредитациа змоу, зтехнологиа ҳараку аклиникақәа, урҭ рҿы, қәыҧшыларак аҿы, амедицинатә сервисқәа зегьы еиҿкаауп. Апроект аҳәаақәа ирҭагӡаны, апациентцәа, зхаҭабзиара ҳараку, ҳаамҭазтәи амедицинатә маҵзура роур рылшоит, апротонотерапиагьы уахь иналаҵаны, уи акьыба ачымазара ахәшәтәразы иҿыцӡоу ҳаамҭазтәи технологиоуп.
Ари азҵаара ианалацәажәоз ишазгәаҭаз ала, зхаҭабзиара ҳараку аонкологиатә сервисқәа рхархәара алшара аиқәыршәара, ҷыдала ахәыҷқәа рзы, аҳәынҭқарразы аҧыжәара змоу зҵаароуп.
Агәабзиарахьчара аминистрреи амедицинатә усбарҭақәеи аусеицура иазку аиқәшаҳаҭрақәа рыбжьарҵоит амза анҵәамҭанӡа, убри ашьҭахь, акьыба ачымазара адиагноз змоу ахәыҷқәа, Қырҭтәыла аҩныҵҟагьы, аҳәаанырцәтәи - Испаниеи, Израили, Ҭырқәтәылеи, аҭахрақәа инрықәыршәаны, амедицинатә цхыраара роуеит.
18 шықәсанӡа зхыҵуа апациентцәа аҳәаанырцә рхәышәтәра апрограмма аиасратә етап иалагоит, уи нагӡахоит Қырҭтәыла асервисқәа дырҕәҕәаанӡа, ҳаамҭазтәи астандартқәа ирышьашәалоу, зтехнологиа ҳараку аппаратурала еибыҭоу, асервисқәа зегьы рхархәара ахьыҟало ахәыҷтәы онкологиатә центрқәа еиҿыркаанӡа. Аминистрра ари ахырхарҭала активла аус аусура иаҿуп.
Аиҳaбырa рaдминистрaциa aпрессмaҵзура