2005 წლის 17-18 აპრილს საქართველოს პრემიერ-მინისტრი ზურაბ ნოღაიდელი ოფიციალური ვიზიტით იმყოფებოდა უზბეკეთის რესპუბლიკაში.
17 აპრილს საქართველოს პრემიერ-მინისტრს აეროპორტში დახვდნენ: უზბეკეთის რესპუბლიკის პრემიერ-მინისტრის მოადგილე – საგარეო საქმეთა მინისტრი ელიორ განიევი, საქართველოს საგანგებო და სრულუფლებიანი ელჩი უზბეკეთის რესპუბლიკაში დავით ზალკალიანი და სახელმწიფო პროტოკოლის უფროსი ალიშერ ყურამოვი.
18 აპრილს საქართველოს პრემიერ-მინისტრი ზურაბ ნოღაიდელი შეხვდა უზბეკეთის რესპუბლიკის პრემიერ-მინისტრს შავკატ მირზოევს, პრემიერ-მინისტრის მოადგილეს – საგარეო საქმეთა მინისტრს ელიორ განიევს. ხელი მოეწერა საქართველოსა და უზბეკეთის რესპუბლიკას შორის საკონსულო კონვენციის სარატიფიკაციო სიგელების გაცვლის ოქმს და საქართველოსა და უზბეკეთის რესპუბლიკის სავაჭრო-სამრეწველო პალატებს შორის თანამშრომლობის შეთანხმებას.
საქართველოს პრემიერ-მინისტრმა დაათვალიერა თემურიდების სახელმწიფო მუზეუმი. იმავე დღეს, საქართველოს პრემიერ-მინისტრი ზურაბ ნოღაიდელი შეხვდა უზბეკეთის რესპუბლიკის პრეზიდენტს ისლამ კარიმოვს.
საქართველოს მთავრობის კანცელარიის პრესცენტრი