2024-04-19

Қырҭтәыла аҧыза-министр Иракли Кобахиӡе Аахыҵ Кавказаҿ Европа Аинвестициатә банк (EIB) арегионалтә хаҭарнакра анапхгаҩы Мачеи Чура диҧылеит.

Аиҧылараҿы иаҵшьны иазгәаҭан иреиҕьу афинанстә институт аҳасабала EIB аҟны қәҿиарала аусеицура аҵакы. Аганқәа рхаҭарнакцәа Қырҭтәыла аекономикатә азҳареи амакроекономикатә тенденциақәа рҿы иҟоу иҵоуроу адинамикеи иалацәажәеит.

Аиҳабыра рнапхгаҩы EIB арегионалтә хаҭарнакра анапхгаҩы адгыларазы ҭабуп ҳәа иеиҳәеит. Иаҵшьны иазгәаҭан EIB аҧарала имҩаҧгаз, иара убас, уажәы имҩаҧысуа аинвестициатә проектқәа рроль, арҭ апроектқәа Қырҭтәыла аинфраструктура арҿиара иазкуп. Ари аконтекстаҿ иаҵшьны иазгәаҭан уажәазы имҩаҧысуа Мрагылара-Мраҭашәаратә магистраль апроект, уи Европа Аинвестициатә банк афинанстә цхыраарала имҩаҧысуеит.

Ишазгәаҭаз ала, Қырҭтәыла аиҳабыра EIB аҟны қәҿиарала аусеицура аҵакы ду анаршьоит. Ишазгәаҭаз ала, ақырҭуа аган агәыҕра ду рымоуп EIB наҟ-наҟгьы атәылазы аҧыжәара змоу аусхкқәа рҿы аинвестициатә проектқәа аҧара рзоужьҭра нанагӡап ҳәа.

Қырҭтәыла аусура алагара инаркны, EIB аинвестициатә проектқәа ирзоунажьҭхьеит 1.6 миллиард евро.

Аиҳaбырa рaдминистрaциa aпрессмaҵзура