2022-03-29
Иахьа, амедиахархәагак, Қырҭтәыла ахада ладминистрациа адырра шьаҭас иҟаҵаны, аинформациа аланарҵәеит аҵыхәтәантәи ашықәс азы атәыла ахада адипломатиатә миссиақәеи жәларбжьаратәи аиҿкаарақәеи рҿы аусуразы акандидатцәа зегьы рықәыргыларазы лнапы аҵалҩызшәа.
Аларҵәара зауз аинформациа ииашам. Даҽазнык аргама иааҳацҳар ҳҭахуп аҵыхәтәантәи аамҭазы атәыла ахада изныкымкәа мап шырцәылкыз ма ақәҿыҭрада ишаанлыжьыз Қырҭтәыла аиҳабыра иқәдыргылаз ацҳаражәҳәаҩцәа/амиссиа анапхгаҩцәа рҭыҧқәа рзы акандидатцәа.
Иара убас, иаҵшьны иазгәаҭатәуп Қырҭтәыла Аконституциа инақәыршәаны, атәыла аиҳабыра адәныҟатәи аполитика амҩаҧгаразы аексклиузитә зин шрымоу, зыӡбахәы ҳәоу азинла, иара убас, иазҧхьагәаҭоуп ацҳаражәҳәаҩцәеи амиссиақәа рҿы еснагьтәи ахаҭарнакцәеи рықәыргылара азҵаара, ҷыдала иазгәаҭатәуп ахадаратә ҵакы шамоу Қырҭтәыла адипломатиатә хаҭарнакрақәа рҿы ацҳаражәҳәаҩцәа иаамҭаны рықәыргылареи аиҧымҟьара апринцип ахьчареи, аха, рыцҳарас иҟалаз, зыӡбахәы ҳәоу ауадаҩрақәа рымшала, абри зегьы ирласӡаны зҭыҧ иқәҵатәу проблемас иҟалеит. Абри азҵаара иахьагьы актуалтә ҵакы амоуп, адипломатиатә хаҭарнакрақәа русура иаҧырхагоуп, убри аҟынтә, Қырҭтәыла аиҳабыра, зыӡбахәы ҳәоу азин иашьашәаланы, иахәҭоу ашьаҿақәа ҟарҵоит.
Аиҳaбырa рaдминистрaциa aпрессмaҵзура