2020-12-05
Аковид ахылаҧшра апроцесс аҳәаақәа ирҭагӡаны аиҳабыра ишьақәдыргылаз аҧкрақәа ҩымзтәи аплан инақәырәшаны атәылаҿы имҩаҧысуа аинтенсивтә тестирра апрограммеи, аҵыхәтантәи 24 сааҭ рыла адунеи аҿгьы Қырҭтәылагьы зеиҧшҟамлац ала ирацәаны иаарҧшыз акоронавирус афактқәеи, аковидвакцинациа апроцесс ҧырхгак амамкәа амҩаҧгара амзызла имҩаҧысуа аҽазыҟаҵаратә усурақәеи ирылацәажәеит Аҧыза-министр инапхгарала аиҳабыра русмҩаҧгарҭаҿы имҩаҧгаз Аусбарҭабжьаратә координациатә хеилак аилатәараҿы.
Аилатәараҿы ишазгәаҭаз ала, аҵыхәтәантәи 24 сааҭ рыла атәыла зехьынџьара иҟаҵоуп зеиҧшҟамлац ала ирацәаны - 17 нызқь атестқәа, амчыбжь анҵәамҭа инаркны есымша 20 нызқь аҟара атестқәа рыҟаҵара иалагоит, арҭ арбагақәа ирыцлоит хазхаҭалатәи алабораториақәа иҟарҵо атестқәагьы. Иара убас, ҷыдала иҭбаахоит антиген ашьаҭа ала атест ласқәа рыҟаҵара апроцессгьы.
Ареспиратортә грипп азы иҟазшьарбагоу асимптомқәа зызцәырҵуа атәылауаа, аҳақьым идәықәҵабҕьыц алагьы, уи адагьы, амедицинатә усбарҭа иадҵааланы, антиген ашьаҭа ала атест ҟарҵар рылшоит, дара 20 минуҭ рыла аҭак роуеит. Акоронавирус адиагноз рзышьақәдырҕәҕәар, атәылауаа аҭаацәаратә ҳақьым иҟны аимадара имазароуп, аҳақьым изкны аинформациа жәбар шәылшоит агәабзиарахьчара аминистрра аинформациатә портал - http://ambulatoria.moh.gov.ge/ ала, мамзаргьы, аминистрра Ацәаҳәа ҷыда ашҟа аҭел шәасроуп аномерла - 1505.
Иара убас, Ачымазарақәа рхылаҧшреи ауаажәларратә гәабзиареи амилаҭтә центр анапхгаҩы Амиран Гамҟрелиӡе ишиҳәаз ала, иаҳа ирацәаны аполиклиникақәа акоронавирус ахылаҧшра апрограмма иалахәхәоит, лымкаала, атәыла зехьынџьара амбулаториатә тестирра амҩаҧгара иалаго 223 раҟара аусбарҭақәа ҳәаақәҵоуп. Иара иажәақәа рыла, аҳақьымцәа рхылаҧшра аҵаҟа иҟоу ауааҧсыра зегьы антиген ашьаҭа ала атестқәа рзыҟарҵоит.
Аилатәараҿы ишазгәаҭаз ала, аҵыхәтәантәи 24 сааҭ рыла адунеи аҿгьы Қырҭтәылагьы зеиҧшҟамлац ала ирацәаны акоронавирус афактқәа аарҧшын. Аиҳабыра рнапхгаҩы ишиҳәаз ала, атәылаҿы аепидемиологиатә ҭагылазаашьа иаҳа ицәгьахеит, убри аҟынтә, иацы иалагаз аинтенсивтә тестирра апрограмма абзоурала, авирус змоу ауааҧсыра ирласӡаны раарҧшреи рыҧхьакреи рылшоит, уи авирус аларҵәара аласра армаҷреи излауа ала ааҭагылазаашьа аҭышәынтәалареи иацхраауеит.
Иара убас, аилатәараҿы ишазгәаҭаз ала, аковидвакцинациа апроцесс изакәызаалак ҧырхагак ада амҩаҧгра амзызла, аинтенсивтә режим аҿы аус ауеит Аҧыза-министр идҵала еиҿкааз аусуратә гәыҧ ҷыда. Авакцинациа аетап азы аҽазыҟаҵаратә усурақәа рыла иазҧхьагәаҭоуп иаамҭаны авакциана аагареи, аинфраструктуреи алогистикеи иадҳәалоу аусурақәа зегьы заанаҵы рымҩаҧгареи. COVAX аплатформа инаваргыланы, аиҿцәажәарақәа мҩаҧысуеит жәларбжьаратәи апартниорцәеи авакцина ҭзыжьуа аилахәарақәеи рҟны, ари апроцесс активла иалахәып атәыла адәныҟатәи аусқәа рминистрреи аҳәаанырцә иҟоу Қырҭтәыла адипломатиатә миссиақәеи.
Иара убас, аилатәараҿы иазааҭгылеит аиарҭаҭыҧқәа рхыҧхьаӡара аганахьала ахәышәәтәырҭақәа рҿы аҭагылазаашьеи иацҵаны ареанимациатә иарҭаҭыҧқәеи амедицинатә аибыҭареи аиқәыршәаразы иҟарҵараны иҟоу ашьаҿақәеи. Аилатәараҿы ишазгәаҭаз ала, ҧасеиҧш, уажәгьы ахадаратә ҵакы ранашьоуп ихьанҭоу, зҭагылазаашьа цәгьоу апациентцәа.
Ҩымзтәи аплан аҳәаақәа ирҭагӡаны ишьақәыргылоу аҧкрақәа рынагӡара аганахьала аҭагылазаашьа иалацәажәеит Аҩныҵҟатәи аусқәа рминистри Аџьаус аҭагылазаашьақәа ргәаҭара адепартамент аиҳаби, лымкаала:
азинхьчаҩцәа имҩаҧырго амониторинг иалҵшәаны, аҵыхәтәантәи 24 сааҭ рыла аарҧшуп атәыла зехьынџьара ишьақәыргылоу аҧкрақәа реилагара 1041 фактқәа.
Аполициа аусзуҩцәа, административтә зинеилагарақәа ркодекс 42(10)-тәи ахәҭаҷ иашьашәаланы, 111-ҩык ахараҧса рықәырҵеит.
Ахараҧса зқәырҵаз иреиуп асааҭ 21:00 инаркны шьыжьымҭан асааҭ 5нӡа аиҭаҵразы ишьақәыргылоу аҧкра еилазгаз ауааҧсыра. Иара убас, аҵыхәтәантәи 24 сааҭ рыла асабрада аныҟәгара аҧҟара еилазгаз 930ҩык ахараҧса рықәырҵеит.
Уи адагьы, абҵара 28 - ҧхынҷкәын 3 рзы, Аџьаус аҭагылазаашьақәа ргәаҭара адепартамент ахаҭарнакцәа 22 532 обиектқәа гәарҭеит, урҭ рҟынтә аҩыралагьы ҿырҳәалагьы агәҽанҵара роуит 16 733 обиектқәа, 5792 обиектқәа русура аанкылоуп, 7обиектк ахараҧса рықәырҵеит.
Инеизакны, атәылаҿы акоронавирус адиагноз рзышьақәырҕәҕәоуп 152 704-ҩык ауааҧсыра, урҭ рҟынтә 126 904-ҩык ачымазара иалҵхьеит, 1425-ҩык апациентцәа иҧсит.
Уажәазы акарантин аҿы иҟоуп 1241-ҩык, аковид-сасааирҭақәа рҿы - 3899-ҩык, астационар аҿы - 6671-ҩык ауааҧсыра.
Аҧыза-министр инапхгарала аус зуа Аусбарҭабжьаратә координациатә хеилак аусура иалахәып Қырҭтәыла апарламенти атәыла ахада лусмҩаҧгарҭеи.
Аиҳaбырa рaдминистрaциa aпрессмaҵзурa