2021-05-17
Қырҭтәыла Аҧыза-министр Иракли Ҕарибашвили инапхгарала, аиҳабыра русмҩаҧгарҭаҿы аиҳабыра реилатәара мҩаҧысит. Аминистрцәа амш аусхәаҧштә ала иазҧхьагәаҭаз 12 зҵаара ирыхәаҧшит.
Иахьа ҳареи Адунеи абанки иҳабжьаҳҵо аиқәшаҳаҭра аҳәаақәа ирҭагӡаны, апандемиа амшала азарал зауз амикро наплакқәеи, анаплакқәа маҷқәеи, абжьаратә наплакқәеи рзы ҳтәыла, азинҷыдала аиуеит 85 миллион евро ацхыраара, - иҳәеит Қырҭтәыла Аҧыза-министр Иракли Ҕарибашвили аиҳабыра реилатәараҿы.
Иара иажәақәа рыла, апроект ала иаҧхьагәаҭоуп аҧарашәара лас аиновациатә система ашьақәыргылара, уи абзоурала, анаплакқәа, Амилаҭтә банк аҟынтә аҧаратә ресурсқәа раиуразы ахархәага бзиа роуеит.
„Зыӡбахәы ҳәоу афинанстә цхырааразы еиқәшаҳаҭхеит Афинансқәа рминистрреи, лымкаала, аминистр ихаҭа илахәызаареи, иара убас, қәҿиарала имҩаҧгаз аиҿцәажәарқәеи рыбзоурала. Адунеи абанк аӡбара аднакылеит лаҵара 11 рзы. Иара убас, аекономика аминистр, Наҭиа Турнавагьы активла ари апроцесс далахәын.
Ишыжәдыруа ала, апандемиа аан азарал зауз анаплакқәа реиҭашьақәыргыларазы ҳдонорцәа рҟынтә крызҵазкәа ацхыраара ҳауит. Сара, Адунеи абанк, лымкаала, уи арегионалтә директор ҭабуп ҳәа иасҳәар сҭахуп абри апроект дахьадгылаз азыҳәан.
Зыӡбахәы ҳәоу апроект анагӡара иахылаҧшуеит Аекономика аминистрра иаҵанакәа аилахәыра „Иҟаҵа Қырҭтәылаҿы".
Анаплакра маҷи абжьаратә наплакреи рырҿиара ҳара ҳзы ахадаратә ҵакы змоу ахырхарҭақәа иреиуп, убри аҟынтә, хара имгакәа, егьырҭ амеханизмқәагьы аус рыдуланы, ишәызцәыраагоит", - иҳәеит Аҧыза-министр.
Иракли Ҕарибашвили ҵхыбжьон аиҭаҵразы ишьақәыргылоу аҧкрагьы далацәажәеит.
„Ауаа акоменданттә сааҭ ҳҧырхагоуп ҳәа аҳәара иаҿуп. Ҳара абри азҵаара ҳалацәажәаны, Агәабзиарахьчара аминистрра аҟынтә иҳауа абжьагара инақәыршәаны, иашьашәалоу аӡбара ҳадаҳкылоит", - иҳәеит аиҳабыра рнапхгаҩы.
Аҧыза-министр аепидемиологиатә ҭагылазаашьа дазааҭгылан, ишиҳәаз ала, аҧхынразы Қырҭтәыла атуристцәа рхыҧхьаӡара ацлоит, аиҳабыра уи иазыхиазароуп.
„Аепидемиатә ҭагылазаашьа иадҳәаланы иазгәасҭар сҭахуп, аиҳабыра реилатәара ашьҭахь Аусбарҭабжьаратә координациатә хеилак аилатәара мҩаҧаагоит. Ҳәарада, ҳара ҳахшыҩ азышьҭны аҭагылазаашьа ҳацклаҧшуеит, аминистрра ари апроцесс қәҿиарала иахылаҧшуеит. Ишыжәдыруа ала, аҧхынразы Қырҭтәыла атуристцәа рацәахоит, аиҳабыра уи азы ихиазароуп, уи аҵакы ду амоуп. Ауаа акоменданттә сааҭ ҳаргәамҵуеит ҳәа аҳәара иаҿуп. Ҳара ари азҵаара ҳалацәажәоит, Агәабзиарахьчара аминистрра аҟынтә иҳауа абжьагара инақәыршәаны аӡбара ҳадаҳкылоит"- иҳәеит Иракли Ҕарибашвили.
Иара убас, аиҳабыра рнапхгаҩы, авакцина иадҳәаланы имҩаҧысуа аиҿцәажәарақәагьы дырзааҭгылеит. Иара ишиҳәаз ала, аҧхынразы иҵегьы „Пфаизер" авакцина роураны иҟоуп, инақәыршәаны, рашәара-ҧхынгәы азы.
„Авакцина иадҳәаланы қәҿиарала аиҿцәажәарақәа мҩаҧаагоит. Авакцина ҭзыжьуа аилахәаарақәа ҳрацәажәоит. Ковақс аплатформа аҟынтә авакцинақәа раиура ҳалагахьеит, аха, уи адагьы, ишиашо ааглыхыҩцәа рҟынтәгьы авакцина ҳаурц азыҳәан аиҿцәажәарақәа мҩаҧаагоит. Мышқәак рышьҭахь, абри азҵаара иадҳәаланы инарҭбаау аинформациа шәаҳҭоит. Конкретла иаҳҳәозар, иҵегьы „Пфаизер "авакцина аиура ауп ҳазлацәажәо. Миллион адозақәа ҳрылацәажәоит. Сара схаҭагьы изныкымкәа „Пфаизер" ахада ҭелла сиацәажәахьеит", - иҳәеит Аҧыза-министр.
Иара убас, аиҳабыра рнапхгаҩы ишиҳәаз ала, „Синофарми" "Синоваки" азауадқәа рҟны аиҿцәажәарақәа мҩаҧысуеит иҵегьы авакцина адозақәа раиуразы. Уи адагьы, „Модернеи", „Нововақси" авакцина ҿыцқәа раагаразы аиҿцәажәарақәа мҩаҧысуеит.
„Китаитәи азауадқәа „Синофарми" "Синовақси" рҟны ишиашо аиҿцәажәарақәа мҩаҧаагоит иҵегьы авакцина адозақәа раиуразы. Уи адагьы, „Модернеи", „Нововақси" авакцина ҿыцқәа раагаразы аиҿцәажәарақәа мҩаҧысуеит. Жәакала иуҳәозар, ари аганахьала апроблемақәа ҟалом ҳәа ҳгәыҕуеит. Аиқәшаҳаҭрақәа ҳабжьаҳҵахьеит. Иааиуа амзақәа рзы иҵегьы авакцинақәа ҳауеит, авакцинациа апроцесс ҧырхагак амамкәа имҩаҧысуеит", - иҳәеит аиҳабыра рнапхгаҩы.
Иракли Ҕарибашвили апроект „Ирҿыцу арегионқәа" далацәажәан, ишиҳәаз ала, абри апроект қәҿиарала имҩаҧысуеит.
„Ҳара ажәлар заа ирылаҳҳәаз апроект „Ирҿыцу арегионқәа" қәҿиарала имҩаҧысуеит.
Ҳаҭыр зқәу Иракли Қарселаӡе сиҳәар сҭахуп ажәлар рзы абжьаратә аҳасабырба ҟаҵаны, иарбан етапоу ҳазҭагыло, апроцесс шымҩаҧысуа ҳаиҳәарц.
Аҵыхәтәантәи амшқәа рзы ҳара адезинформациа рацәа ҳаҳаит, џьоукы ауаа ржьарц азыҳәан амцҳәара иаҿуп. Убри аҟынтә, акы еиҧшымкәа сшәыҳәоит ауаа аинформациа иаша рышәҭарц", - иҳәеит Аҧыза-министр.
Иахьатәи аилатәараҿы аиҳабыра алахәылацәа амш аусхәаҧштә ала аизҧхьагәаҭаз 12 зҵаара ирыхәаҧшит.
Аиҳaбырa рaдминистрaциa aпрессмaҵзурa