2021-05-31
Қырҭтәыла Аҧыза-министр Иракли Ҕарибашвили инапхгарала, аиҳабыра русмҩаҧгарҭаҿы аиҳабыра реилатәара мҩаҧысит. Аминистрцәа амш аусхәаҧштә ала иазҧхьагәаҭаз 14 зҵаара ирыхәаҧшит.
«Иахьатәи аилатәара салагар сҭахуп крызҵазкәа аинформациа бзиа ала. Ишыжәдыруа ала, иахьа ицәырган мшаҧы азы аекономикатә азҳара арбага, уи зеиҧшҟамлац ала идууп», - иҳәеит Қырҭтәыла Аҧыза-министр Иракли Ҕарибашвили аиҳабыра иахьатәи реилатәараҿы.
Иара иажәақәа рыла, мшаҧы азы аекономика азҳаит 44,8%-ла.
« Ажьырныҳәа - мшаҧы азы, аекономикатә азҳара арбага, инақәыршәаны, 8%, 8,1% иаҟароуп, ари аинформациа дараӡа ибзиоуп. Ҵыҧх, мшаҧы азы, Қырҭтәыла аекономикатә азҳара арбага даараӡа илаҟәын, уи еилкаауп.
Ҳәарада, сынтәа аекономика, ҳара иҳамаз азҧхьагәаҭарақәа раҵкыс иаҳа ирласны азҳара иалагоит.
Иахьатәи аилатәараҿы, афинансқәа рминистр, ҳазну ашықәс азы аекономикатә азҧхьагәаҭарақәа цәыригоит. Ирҿыцу арбагақәа ҳаззыҧшыз арбагақәа раасҭа акырӡа еиҕьуп. Ҿырҧштәқәак шәзаазгар сҭахуп. Мшаҧы азы аекспорт азҳаит 70%-ла, аҧаратә аиагарақәа - на 144%-ла, уи даараӡа ибзиоуп, абиуџьет ахашәала аганахьалагьы адинамика бзиоуп», - иҳәеит Иракли Ҕарибашвили.
Аҧыза-министр атуризм аиҭашьақәыргыларагьы далацәажәан, ишазгәеиҭаз ала, уаҵәы адгьылтә аҳәаақәа раартрагьы аекономика аиҭашьақәыргылара иацхраауеит.
„Ҳара атуризм ирласны аиҭашьақәыргылара ҳазыҧшуп. Уаҵәы адгьылтә аҳәаақәа ааҳартуеит, ҳәарада, уигьы, аекономика аиҭашьақәыргылара иацхраауеит. Иахьа ицәыргаз афискалтә план ҿыцқәа рыла иазҧхьагәаҭоуп абиуџьет адефицит 7.1%-нӡа аиҵатәра. Абри азҵаара иадҳәаланы иаҳа инарҭбаау аинформациа ҳаиҭоит ҳаҭыр зқәу аминистр.
Абрааҵәҟьа иазгәасҭар сҭахуп аполитикатә ҭышәынтәалара аекономикатә ҧсҭазаараҿы инанагӡо ароль. Аполитикатә ҭышәынтәалара аҵакы ду амоуп хазхаҭалатәи асектор азгьы, аинвестициақәа рыдыҧхьаларазгьы, ҳтәылашҟа аинвесторцәа рыдыҧхьалара азгьы. Инақәыршәаны, мызкы аҧхьа, евробондқәа ҳауит, ишыжәдыруа ала, анаӡына лаҟәы ала, уигьы лабҿаба аанарҧшуеит аинвесторцәа ҳагәра шырго. Лабҿаба иубарҭоуп аекономика ирласны аиҭашьақәыргылара ишалагаз, уи узықәгәырҕьаша хҭысуп", - иҳәеит аиҳабыра рнапхгаҩы.
Мшаҧы азы аекономикатә азҳара арбагақәа данрылацәажәоз, Иракли Ҕарибашвили иаҵшьны иазгәеиҭеит уи аиҳабыра имҩаҧырго аполитика иаша ишабзоуроу.
„Абри зегьы аиҳабыра имҩаҧырго аполиткиа иашеи ҳара имҩаҧаагаз ауснагӡатәқәеи ирыбзоуроуп. Абизнес аҿы апозитивтә гәалаҟазаара иҟоуп, уи иаҵанакәа рацәоуп. Ҳаҭыр зқәу аминистр ишиҳәаз еиҧш, ахырхарҭақәа зегьы рҿы азҳара иҟоуп. Уи аҵакы ду амоуп. Ҳәарада, ҳара атуризм асектор аиҭашьақәыргылара иаҳа ҳацхраароуп. Ҳара иҳадаҳкылаз аҵыхәтәантәи аӡбара - адгьылтә аҳәаақәа раартра, уигьы абри ахықәкы анагӡара иазкуп, абри аҩыза адинамика ала, апозитивтә динамикала аусура наҳагӡап ҳәа ҳгәыҕуеит,"- иҳәеит Аҧыза-министр.
Аиҳaбырa рaдминистрaциa aпрессмaҵзурa