2021-12-13
Қырҭтәыла аҧыза-министр Иракли Ҕарибашвили инапхгарала, аиҳабыра русмҩаҧгарҭаҿы аиҳабыра реилатәара мҩаҧган.
Аминистрцәа амш аусхәаҧштә ала иазҧхьагәаҭаз 11 зҵаара ирыхәаҧшит.
Аҳәынҭқарратә программа - „Иҟаҵа Қырҭтәылаҿ" аҳәаақәа ирҭагӡаны, Қарҭ, акәац аус адуларатә зауад аадыртуеит, уаҟа аусура иалагоит 300-ҩык раҟара ауааҧсыра.
Абри ахықәкы анагӡаразы, Қырҭтәыла аиҳабыра рыӡбарала, аҳәынҭқарратә программа аҳәаақәа ирҭагӡаны, аилахәыра „Никора", асимволтә ахә ала, 1 лари ҳәа, арҭоит Қарҭ иҟоу адгьылҭыҧи уи иқәгылоу ахыбра-аргыламҭақәеи.
Акәац аус адуларатә зауад еибырҭоит иҿыцӡоу ҳаамҭазтәи ашьақәыргыламҭақәа рыла, азауад аргылареи аибыҭареи иаларҵоит 15 миллион лари аинвестициа.
Иара убас, "Ачаиҭрақәа реиҭашьақәыргылара аҳәынҭқарратә программа" аҳәаақәа ирҭагӡаны, Имереҭи, Тҟибули амуниципалитет иаҵанакәа Сочхеҭи ақыҭан 37.26 гектар ачаиҭра аиҭашьақәыргылара иалагоит. Зынӡа арҭ аусурақәа ирыларҵоит 134 120 лари, ари аицҵалыҵ аҟынтә аҳәынҭқарратә аицфинансыркра ахәҭа 93 139 лари иаҟароуп, егьи 40 981 лари ихнаҩоит апрограмма ахархәаҩ - аилахәыра "Гринҳил".
Аҳәынҭқарратә программа аҳәаақәа ирҭагӡаны, 14.50 гектар ачаиҭра еиҭашьақәдыргылоит Имереҭи, Хони амуниципалитет иаҵанакәа Дедалаури ақыҭангьы. Ӡынӡа аусурақәа ирыларҵоит 52 200 лари, ари аицҵалыҵ аҟынтә аҳәынҭқарратә аицфинансыркра ахәҭа 36 250 лари иаҟароуп, егьи ахәҭа, 15 950 лари - аилахәыра „Ерҭоба" ихнаҩоит.
Аиҳaбырa рaдминистрaциa aпрессмaҵзура