2022-12-12
Ҳтәылаҿ имҩаҧгоу ишиашо атәым инвестициақәа рҭаӡаара ҩынтә азҳаит, миллиард 675 миллион адоллар иаҟароуп. Аковидаанӡатәи аамҭа иаҿаҳарҧшыр, ари арбага 70%-ла иазҳаит, - иҳәеит Қырҭтәыла аҧыза-министр Иракли Ҕарибашвили иахьа имҩаҧгаз аиҳабыра реилатәараҿы.
Аҧыза-министр иажәақәа рыла, ишиашоу атәым инвестициақәа ҩынтә рацлара алагьы ибзиаӡаны иубарҭоуп аинвесторцәа атәылаҿы иҭышәынтәалоу аҭынчратә ҭагылазаашьақәа шеиқәыршәоу шырбо.
Аиҳабыра рнапхгаҩы ишазгәеиҭаз ала, абиуџьет аартызаара арбага инақәырәшаны, Қырҭтәыла адунеиаҿ актәи аҭыҧ ааннакылоит.
„Ҳуааҧсыра зҵакы дуу ажәабжьқәа ҿыцқәа дсырдырыр сҭахуп, раҧхьа иргыланы, аҵыхәтәантәи ашықәс азы ишиашоу атәым инвестициақәа рҭаӡара ҩынтә азҳара саҭаазгылар сҭахуп. Аҩызцәа, ишыжәдыруа ала, Украина аибашьра инагӡоит, зехьынџьара аибарххареи, арецессиеи иҟоуп, адунеиаҿгьы, Европагьы, арегионаҿгьы аҭагылазаашьа шыцәгьоугьы, ҳтәылаҿы ишиашоу атәым инвестициақәа мҩаҧгоуп, шықәсыкала ҳтәыла иалаҵоуп миллиард 675 миллион адоллар аинвестициа. Уи ҩынтә иаҳа идуу арбагоуп. Ҵыҧхтәи ашықәс иаҿаҳарҧшыр, аковидаанӡатәи аамҭа - иаҳҳәап, 2019 шықәсатәи арбага иаҿаҳарҧшыр, уажәтәи арбага 70%-ла иаҳа идууп, ҳтәылаҿы ҩынтә еиҳаны ишиашо атәым инвестициақәа мҩаҧгоуп. Абри арбага алагьы ибзиаӡаны иубарҭоуп аинвесторцәа атәылаҿы аҭагылазаашьа шыманшәалоу шырбо. Раҧхьа иргыланы, уи ҳара еиқәҳаршәаз аҭышәынтәалароуп, иҭышәынтәалоу аҭынчратә ҭагылазаашьақәеи аартызаареи. Шәызынтәгьы даҽазнык ишәгәаласыршәар сҭахуп абиуџьет аартызаара арбага инақәыршәаны Қырҭтәыла адунеиаҿ актәи аҭыҧ шааннакыло. Убри ала зегьы еилкаауп, иахьа атәылаҿы изакәытә аиҳабыроу иҟоу, ҳполитика зеиҧшроу, абизнеси аинвесторцәеи ҳашрызныҟәо еилкаауп", - иҳәеит аҧыза-министр.
Аҧыза-министр иажәақәа рыла, анапхгараҭара аиндикаторқәа инрықәыршәаны, Қырҭтәыла акрызҵазкәа апрогресс иҟоуп, аҧыза-министр ишиҳәаз ала, аҵыхәтәантәи аамҭазы акоррупциа ахылаҧшра инақәыршәаны, Қырҭтәыла Европаҿ 21-тәи аҭыҧ ааннакылоит, аконтиненттә Европа иреиҕьу 20 ҳәынҭқаррақәа рыгәҭа 18-тәи аҭыҧаҿ игылоуп.
„Уажәааны Адунеи абанк аҭҵаарақәа рылҵшәақәа цәырган. Анапхгараҭара аиндикаторқәа инрықәыршәаны, Қырҭтәыла акрызҵазкәа апрогресс иҟоуп. Иаҳҳәап, акоррупциа ҳалацәажәозар, - акоррупциа ахылаҧшра аиндекс инақәыршәаны, Қырҭтәыла адунеиаҿ 40-тәи аҭыҧ ааннакылоит, Европаҿ - 21-тәи аҭыҧаҿ ҳгылоуп, аконтиненттә Европа иреиҕьу 20 ҳәынҭқарарақәа ҳреиуп - 18-тәи аҭыҧ аанаҳкылоит. Ҳара Евроеидгыла иалоу 11 ҳәынҭқарра раҧхьа ҳгылоуп, НАТО иалоу 13 ҳәынҭқарра ҳарҧысит. Абри алҵшәа ҳауит аҵыхәтәантәи жәашықәса рыҩныҵҟала имҩаҧагаз аусура абзоурала.
Ауааҧсыра зегьы даҽазнык иргәаласыршәар сҭахуп адунеитә аиашаӡбара апроект инақәыршәаны, акоррупциа аҟынтә ахақәиҭра аиндекс ала, ҳтәыла адунеиаҿ 30-тәи аҭыҧ шааннакыло. Еиҭасҳәар сҭахуп, ҳтәыла Европа иреиҕьу 20 ҳәынҭқарра рыгәҭа 18-тәи аҭыҧ ааннакылоит", - иҳәеит аҧыза-министр.
Аиҳaбырa рaдминистрaциa aпрессмaҵзура