Қырҭтәыла аҧыза-министр Иракли Ҕарибашвили аусуратә визитла Румынтәыла аҳҭнықалақь Бухарестҟа ддәықәлеит.
Авизит аҳәаақәа ирҭагӡаны, аҧыза-министр Иракли Ҕарибашвили инапы аҵаиҩуеит „Азербаиџьантәи ареспубликеи, Қырҭтәылеи, Румынтәылеи реиҳабырақәа рыбжьара аенергиа иаҵәа арҿиареи амҩангареи аусхкы аҿы астратегиатә партниорра иазку" аиқәшаҳаҭра. Анапаҵаҩра ацеремониа иара убас рхы аладырхәоит Еврокомиссиа ахада Урсула фон дер Лаиени Румынтәыла ахада Клаус Вернер Иоҳаниси.
Қырҭтәыла аҧыза-министр ихы алаирхәоит апленартә сессиа - „Аенергиа иаҵәа арҿиареи амҩангареи азҵаарақәа рзы астратегиатә партниорра".
Убри адагьы, аҧыза-министр зыҩаӡара ҳараку аиҧыларақәа мҩаҧигоит.
Румынтәылаҿ аҧыза-министр ицуп аиҳабыратә делегациа, уи иалоуп авице-аҧыза, аекономикеи иҭышәынтәалоу аҿиареи рзы аминистр Леван Давиҭашвилии, адәныҟатәи аусқәа рминистр Илиа Дарчиашвилии, афинансқәа рминистр Лаша Хуцишвилии, аиҳабыра радминистрациа аиҳабы Реваз Џьавелиӡеи.
Аиҳaбырa рaдминистрaциa aпрессмaҵзура