Қырҭтәыла аҧыза-министр Иракли Ҕарибашвили Чехиатәи ареспублика аҳҭнықалақь Прага дыҟоуп, уаҟа иара Евроеидгыла аинициативала имҩаҧысуа Европатәи аполитикатә аидгыла раҧхьатәи асаммит далахәып.
Иракли Ҕарибашвили Европатәи аполитикатә аидгыла (EPC) актәи апленартә аилатәара аартратә уснагӡатә ихы алаирхәит.
Асаммит апленартә сессиа ааиртит Евроеидгыла ахантәаҩы-тәыла Чехиа аҧыза-министр Петр Фиала, иара Европатәи аполитикатә аидгыла иалоу аҳәынҭқаррақәа рлидерцәа рҿаҧхьа дықәгылан, Европа аконтинент аҿы аҭынчреи аҭышәынтәалареи аиқәыршәаразы аидгылара аҵакы далацәажәеит. Егьи аганахьала, европатәи аҭаацәара аргылареи европатәи аҭаацәараҟны ассоциациа зызуа атәылақәа ринтеграциеи апроцесс шымҩаҧгатәугьы иалацәажәеит.
Жьҭаара 6-7 рзы Чехиа аҳҭнықалақь Прага имҩаҧысуеит Евроеидгыла аинициативала иаҧҵоу Европатәи аполитикатә аидгыла раҧхьатәи асаммит. Асаммит иалахәып Евроеидгыла иалоу 27 ҳәынҭқаррақәеи 17 апартниор-ҳәынҭқаррақәеи.
Ақырҭуа делегациа иалоуп адәныҟатәи аусқәа рминистр Илиа Дарчиашвилии аиҳабыра радминистрациа аиҳабы Реваз Џьавелиӡеи.
Аартра ацеремониа ашьҭахь, Европатәи аполитикатә аидгыла аиҧылара иалахәы аделегациақәа рнапхгаҩцәа еидгыланы рпатреҭ ҭырхит.
Аиҳaбырa рaдминистрaциa aпрессмaҵзура