Қырҭтәыла иманшәалоу аинвестициатә лагылазаареи атәыла амультифункциатә регионалтә центрс аиҭакра астратегиеи иалацәажәеит Қырҭтәыла аҧыза-министр Иракли Ҕарибашвилии „Ситибанк" абанктә капитал аџьармыкьақәеи абжьагаҩцәеи рхантәаҩы ихаҭыҧуаҩ Џьеи Колинзи реиҧылараҿы.
Аиҳабыра рнапхгаҩы ишазгәеиҭаз ала, Қырҭтәыла амультифункциатә регионалтә центрс ашьақәыргыларазы аусура иалагахьеит, астратегиа раҧхьатәи адокумент еиқәдыршәахьеит.
Аиҧылараҿы ишазгәаҭаз ала, Қырҭтәыла иманшәалоу аинвестициатә лагылазаара шеиқәыршәо шьақәырҕәҕәоуп иакымкәа аналитикатә еилахәырақәа рреитингқәа рылагьы.
Иракли Ҕарибашвили ишазгәеиҭаз ала, абанктәи афинанстәи маҵзура аиндустриа - Қырҭтәылаҿ аҧыжәара змоу асекторқәа иреиуп, идуӡӡоу ақырҭуа 2 банкк Лондонтәи афондтә биржаҿы Premium Listing аҿы иарбоуп. Европатәи евроатлантикатәи структурақәа рахь аинтеграциеи аполитикатәи аинвестициатәи лагылазаара аиҕьтәреи амзызла, Қырҭтәыла аиҳабыра еиҧҟьарада ареформақәа мҩаҧыргоит.
Аиҳабыра рнапхгаҩы ишиҳәаз ала, Қырҭтәыла зыгәра угаша, иҭышәынтәалоу абизнеспартниоруп, иара „Ситибанк" аделегациа, Қырҭтәыла аинвестициатә лагылазаара аҭҵааразы, Қырҭтәылаҟа ааиҧхьеи.
"Ситибанк" идуӡӡоу америкатә банкуп, Америка, Меқсика, Британиа Ду, Индиа, Венгриа, Польша, Ирландиа уҳәа, адунеи 19 ҳәынҭқарраҿы ахатә филиалқәа амоуп. 2021 шықәсазы абанк 72 миллиард адоллар ахашәала аман.
Аиҳaбырa рaдминистрaциa aпрессмaҵзура