2022-02-21
Қырҭтәыла аҧыза-министр Иракли Ҕарибашвили инапхгарала, аиҳабыра радминистрациаҿы аиҳабыра реилатәара мҩаҧган. Аминистрцәа амш аусхәаҧштә ала иазҧхьагәаҭаз 16 зҵаара ирыхәаҧшит.
Иахьатәи аилатәараҿы аиҳабыра ирыдыркылаз ақәҵара инақәыршәаны, Қарҭи, Онии, 279 ихҵәоу аҭаацәарақәа (791-ҩык), ашәҟәы иахьҭаҩу аҩнқәа рыҧшәмацәа реиҩызарақәа жәба ирыҭоуп 53 анхарҭатә аҵакырақәа. Зыӡбахәы ҳәоу амал азеиҧш хархәара иазкуп, анхарҭатә ҵакырам, ари аҵакыраҭыҧқәа фактла урҭ ирыҩназ ахҵәацәа закәанла ирзышьақәырҕәҕәоуп, уи абзоурала, арҭ ауаа рынхарҭатә ҭагылазаашьа еиҕьартәыр рылшоит. Қырҭтәыла аиҳабыра анхарҭатә уадақәеи ақыҭанхамҩатә адгьылҭыҧқәеи рыла ахҵәацәа реиқәыршәара апроцесс активла инарыгӡоит.
Иара убас, аиҳабыра ирыдыркылаз ақәҵара ала иазҧхьагәаҭоуп Қырҭтәылаҿ амратә афымцастанциақәеи аӡфымцатә станциақәеи раҧҵара. Амратә афымцастанциа дыргылараны иҟоуп Шида Қарҭли арегион аҿы, аӡфымцатә станциақәа ҧшьба - Қвемо Қарҭли арегион аҿы.
Зынӡа, астанциақәа рыхәбагьы рыргыларазы иазҧхьагәаҭоуп 15 миллион адоллар аинвестициа.
Аиҳaбырa рaдминистрaциa aпрессмaҵзура