2022-04-26
.jpeg)
Қырҭтәыла аҧыза-министр Иракли Ҕарибавшили инапхгарала, аиҳабыра радминистрациаҿы аиҳабыра реилатәара мҩаҧган.
Аминистрцәа аусхәаҧштә ала иазҧхьагаҭаз 6 зҵаарак ирыхәаҧшит.
Аиҳабыраа рыӡбарала, 21 шықәсанӡа зхыҵуа рзы УЕФА Европа ачемпионат ишақәнагоу ала Қырҭтәыла амҩаҧгара амзызла, „Аспорттә инфраструктура аҿиара апрограмма" аҳәаақәа ирҭагӡаны, Қарҭи, Сагурамои, Қәҭешьи, Ҵҟалтубои, Қобулеҭии, Баҭыми аспорттә инфраструктура аиҭашьақәыргылареи арҽеиреи иалагоит.
100 нызқь лари иаҧсоу апрограмма аҧара азоурышьҭуеит аҳәынҭқарратә биуџьет аҟынтә.
Апрограмма ала иазҧхьагәаҭоуп азыҟаҵаратә ашҭақәа реиҭашьақәыргылареи астадион ҿыцқәа рыргылареи.
Уажәазы иҟоу аспорттә обиектқәа инрываргыланы, ҷыдала ачемпионат азы идырҽеиуеит 12 аинфраструктуратә обиектқәа. Азыҟаҵаратә ашҭақәа еиқәыршәазаауеит Қарҭи, Сагурамои, Қәҭешьи, Ҵҟалтубои, Қобулеҭии, Баҭыми. Апрограммала иазҧхьагәаҭоу аусурақәа сынтәа иалагоит. 21 шықәсанӡа зхыҵуа рзы УЕФА Европа ачемпионат Қырҭтәыла имҩаҧысуеит 2023 шықәса рашәара 21 инаркны ҧхынгәы 8 налаҧхьаӡаны.
Иара убас, аиҳабыра ақәҵара рыдыркылеит аҳәынҭқарра иатәу иеиҭамҵуа амал ишиашо аҭира аформала априватизациа иазкны, уи инақәырәшаны, 28 афизикатә хаҿқәа, асимволтә ахә ала, - 1 лари ҳәа, ахатәрахьы ирыҭаны закәанла ирзышьақәдырҕәҕәоит Сиҕнаҟи амуниципалитет иаҵанакәа Мачхаани ақыҭан дара фактла изыҩноу аҩнқәа.
Аиҳaбырa рaдминистрaциa aпрессмaҵзура