Қырҭтәыла аҧыза-министр Иракли Ҕарибашвили инапхгарала, аиҳабыра реилатәара мҩаҧган.
Аиҳабыра радминистрациаҿы имҩаҧгаз аилатәараҿы аминистрцәа 9 зҵаарак ирыхәаҧшит.
Изхәаҧшыз азҵаарақәа иреиуп Қырҭтәыла акапитал аџьармыкьа аҿиара 2022-2028 шықәсқәа рзтәи астратегиеи 2022-2024 шықәсқәа рзтәи ауснагӡатәқәа рплани ашьақәырҕәҕәара, уи атәыла аекономикатә қәыҧшылара акзаареи, аекономикатә усура ахақәиҭреи, аконкуренциа зылшо иҭышәынтәалоу аинвестициатә лагылазаареи аиқәыршәара иазкуп.
Акапитал аџьармыкьа аҿиара астратегиа хықәкыс иамоуп акапитал аџьармыкьа аус арура ала аекономикатә азҳара ацхраара.
Зыӡбахәы ҳәоу астратегиа 2030 шықәсанӡа Қырҭтәыла аҿиара астратегиеи Евроеидгылаҟны ассоциациа аиқәшаҳаҭреи иашьашәалоуп.
Астратегиа аиқәыршәара апроцесс активла иалахәын иашьашәалоу аҳәынҭқарратә усбарҭақәеи хазхаҭалатәи асектори ахаҭарнакцәеи, Азиатәи Аҿиара абанк аекспертцәеи абжьагаҩцәеи.
Аиҳaбырa рaдминистрaциa aпрессмaҵзура