2022-11-09
Қырҭтәыла аҧыза-министр Иракли Ҕарибашвили инапхгарала аиҳабыра реилатәара мҩаҧган.
Аиҳабыра радминистрациаҿы имҩаҧгаз аилатәараҿы аминистрцәа 10 зҵаарак ирыхәаҧшит.
Изхәаҧшыз азҵаарақәа иреиуп - „Ахәшәқәеи афармацевтикатә усуреи иазку" Қырҭтәыла азакәан апроекти уи иадҳәалоу азакәанпроектқәеи. Лымкаала, 2023 шықәса инаркны, ахәшәқәа рзы ареференттә ахәқәа шьақәыргылахоит - аҳәынҭқарра ишьақәнаргыло амаксималтә ахә аасҭа еиҳау ахә ала ахәшәқәа рыҭира ҟалом, ари апрактика адунеи зехьынџьара аларҵәара ду амоуп. Ареформа хықәкыс иамоуп зхаҭабзиара ҳараку ахәшәқәа раахәара алшара аизырҳареи ииашоу ахәқәеи аконкуренциа зылшо иаарту афармацевтикатә џьармыкьеи аиқәыршәареи. Заанаҵтәи аҧхьаӡарала, ареференттә ахәқәа рышьақәыргылара абзоурала, ахәқәа рыхә 40%-ла имаҷхоит.
Раҧхьатәи аетапаан, ареференттә ахәқәа шьақәыргылахоит ачымазара лаҽқәа рхәышәтәратә препаратқәа рзы, етапла ахәқәа ррегулиациа амеханизм егьырҭ апрепаратқәагьы ирыдкьыслоит.
Аиҳабыра рыҧшьгарала, 2022 шықәса инаркны Ҭырқәтәыла афармацевтикатә џьармыкьа аартуп, уи абзоурала, Қырҭтәыла ахәшәқәа рыхә маҷхеит 60-80%-ла. 100 нызқьҩык раҟара Қырҭтәыла ауааҧсыра, есышықәса, 200 миллион лара аҟаара аиҷаҳара рылшоит, ареференттә ахәқәа рышьақәыргылара абзоурала ахәшәқәа рхархәара иаҳа иманшәалахоит.
Иара убас, аилатәараҿы излацәажәаз азҵаарақәа иреиуп 2013 шықәса жәабран 21 рзы аиҳабыра ирыдыркылаз ақәҵара N 36 - ,,Зегьирзеиҧшу агәабзиарахьчарашҟа аиасра амзызла имҩаҧгоу ауснагӡатәқәа ирызку" ақәҵара иалагалатәу аҧсахрақәа. Лымкаала, зегьирзеиҧшу агәабзиарахьчара апрограммаҿы амч аиуеит адабла аамышьҭахьтәи аиҭашьақәыргылареи ахбаҩлашеи абыҩлашеи атравма аамышьҭахь аиҭашьақәыргылареи апрограмма, уи абзоурала, апациентцәа, иаамҭаны рәгабзиара аиҭашьақәыргылареи аҧкра хьанҭақәа рҿиара аҽацәыхьчареи рылшоит. Апрограммала иазҧхьагәаҭоуп аиҭашьақәыргылара акурс наӡа. Адаблеи, ахбаҩлареи абыҩлашеи атравмеи рышьҭахь аиҭашьақәыргылара акомпонент 1 мызктәи абиуџьет 919 250 лари иаҟароуп. Апрограмма абиуџьет наӡа 11 миллион лари иаҟароуп.
2023 шықәса инаркны, Ахҵәацәеи, аџьауси, агәабзиарахьчареи, асоциалтә аиқәыршәареи аминистрра абиуџьет азҳауеит 770 миллион лари ала, уи абзоурала, аминистрра, зегьирзеиҧшу агәабзиарахьчареи, иара убас, егьырҭ ахықәкытә программақәеи иаҳа ирацәаны аҧара рзоушьҭра алшоит.
Аиҳaбырa рaдминистрaциa aпрессмaҵзура