2023-12-23
.jpeg "..")
Қырҭтәыла аҧыза-министр Иракли Ҕарибашвили инапхгарала Аекономикатә хеилак аилатәара мҩаҧган.
Аиҧылара алахәылацәа ақалақьқәеи акурортқәеи рҿиара аҳәынҭқарратә программа ҿыц аҳәаақәа ирҭагӡаны иалхыз аҭыҧқәа рурбантә аҿиара аконцепциақәа ирыхәаҧшит. Аҧыза-министр идҵала, ари апрограмма иалагеит 2023 шықәсазы. Раҧхьатәи аетапаз иалхуп 10 локациак: Борџьоми, Бакуриани, Қәҭешь, Ҵҟалтубо, Ҭелави, Жәыргьыҭ, Баҭым, Мцхеҭа, Местиа, Ҟазбеги. Ихиалоу аконцепциа ашьаҭала, 9 муниципалитетк рҿы етапла иалагоит аҽазыҟаҵаратәи аргыларатәи усурақәа, Бакуриани аореалаҿ атендер рыларҳәоит.
5 шықәсатәи апрограммазы аҳәынҭқарратә биуџьет аҟынтә иалхуп 1 миллиард лари.
Аилатараҿы ишазгәаҭаз ала, аҳәынҭқарратә прогрпамма ҿыц атуризм аҿиареи, иара убас, аусуратә ҭыҧқәа раҧҵареи иацхраауеит.
Убри адагьы, аиҳабыра рнапхгаҩы, 2024 шықәсазы ауааҧсыра ашәҟәы рҭагалара иазку ауснагӡатәқәа ирызку аинформациагьы дазыӡырҩит. Ари азҵаара аҵакы ианалацәажәоз ишазгәаҭаз ала, ауснагӡатәқәа зегьы мҩаҧгахоит жәларбжьаратәи абжьагарақәа иазҧхьагәаҭаны.
Аекономикатә хеилак аилатәараҿы иазааҭгылеит Гонио аҿиара аплангьы. Ицәыргаз аконцепциа инақәыршәаны, зыӡбахәы ҳәоу аҵакырадгьыл иҭышәынтәалоу аҿиара амзызла, ари аус иаларҵоит акрызҵазкәа аинвестициа. Апроект ала иазҧхьагәаҭоуп асасааирҭатәи анхарҭатәи комплексқәеи, ахәаахәҭратә центрқәеи, арекреациатәи аспорттәи инфраструктуреи рырҿиара. Апроект амҩаҧгараан аҧҵахоит жәанызқьла аусуратә ҭыҧқәа.
Аиҳaбырa рaдминистрaциa aпрессмaҵзура