2023-12-26
Сықәгылара алагамҭаз иазгәасҭар сҭахуп ҳара ҳазынтәгьы, ҳҽеидкыланы, сынтәа ақәҿиара ду шҳауз, ҳара ҳхадаратә гәазыҳәарақәа руакы еицынаҳагӡеит, ҳтәыла Евроеидгыла алаларазы акандидат астатус аиуит, - иҳәеит Қырҭтәыла аҧыза-министр Иракли Ҕарибашвили ацҳаражәҳәаҩцәа рконференциа аартраҿы данықәгылоз.
Аиҳабыра рнапахгаҩы ишиҳәаз ала, уи аиҳабыреи ажәлари рықәҿиароуп, аусеицура иахылҵыз ақәҿиара дуӡӡоуп.
„Мшыбзиақәа, акыр иаҧсоу аҩызцәа. Иахьа, шәара шәыгәҭа, ацҳаражәҳәаҩцәа рконференциа аҽалархәра сара сзы ҳаҭыр дууп. Ҳдәныҟатәи аусқәа рминистрра атрадициа бзиа амоуп. Апарламент ахантәаҩи, апарламенти аиҳабыреи рылахәылацәеи, ҳуахәама ахаҭарнакцәеи, Апатриархиа ахаҭарнакцәеи салам рысҭар сҭахуп, насгьы, ҳәарада, ҷыдала аҧсшәа расҳәар сҭахуп иахьа абри азалаҿ иҟоу ацҳаражәҳәаҩцәа зегьы.
Раҧхьа иргыланы, иазгәасҭар сҭахуп сынтәа ҳара ҳазынтәгьы ақәҿиара ду шҳауз, ҳазынтәгьы, ҳаидгыланы, агәазыҳәара хада наҳагӡеит, ҳтәыла Евроедгыла алаларазы акандидат-тәылас иҟалеит. Уи ҳаиҳабыреи ҳажәлари рықәҿиара дууп, ҳусеицура иахылҵыз ақәҿиара дуӡӡоуп. Аиҳабыра рыхьӡала адипломатцәа зегьы, ацҳаражәҳәаҩцәа зегьы гәыкала ҭабуп ҳәа расҳәар сҭахуп инарыгӡаз аусура дуи, ахамеигӡареи, апатриотизми азыҳәан. Ҳара ҳазынтәгьы ибзианы еилаҳкаауеит ари амҩа шымариам, апарламентгьы, аиҳабырагьы, ҳдипломатиатә корпусгьы аусура ду мҩаҧыргеит, алҵшәагьы лабҿаба иубарҭоуп", - иҳәеит Иракли Ҕарибашвили.
Аҧыза-министр ишазгәеиҭаз ала, атәыла, 11 шықәса мацарала, адемократизациа аҿиара аганахьала, адунеи иреиҕьу жәа-ҳәынҭқаррак ируакхеит.
„Уажәы сара, адәныҟатәи политика ахырхарҭала 11 шықәсатәи ҳнапхгара иахылҵыз аконкреттә алҵшәақәа иаҳа инарҭбааны срылацәажәар сҭахуп. 11 шықәса раҧхьа аҭагылазаашьа зеиҧшраз ибзианы ижәдыруеит, уи алацәажәара сҭахым. Ишыжәдыруа еиҧш, усҟан, евроинтеграциа ахырхарҭала изакәызаалак аконкреттә шьаҿак ҟаҵамызт, уи ацынхәрас, Қырҭтәыла, есымза, есымша Евроеидгыла иаҳа иацәыхарахон. Аҩызацәа, 2012 шықәсанӡа Қырҭтәыла абри аҩыза аҭагылазаашьа иҟан, авторитартә, адиктатортә режим иҟан. Абри алабҿабароуп „Ақырҭуа гәахәтәи" ҳаҭыр зқәу Биӡина Иванишвилии ирҧылаз. 11 шықәса мацара рышьҭахь, иахьа, ҳтәыла, адемократиа аҿиара аганахьала адунеи иреиҕьу жәа-ҳәынҭқаррак рыгәҭа игылоуп, ҳтәыла Евроедгыла алаларазы акандидат-тәылас иҟалеит. Убри аҟынтә, шәареи ҳареи ҳнапхгараан „Ақырҭуа гәахәтәы" иаиуз ақәҿиарақәа даҽазнык, жәақәак рыла, иааркьаҿны срыхцәажәар сҭахуп.
Егьырҭ алҵшәақәа ҳрылацәажәозар, шәара ибзиаӡаны ижәдыруеит, уаанӡа, ҳнапхгараан, ассоциациа аус адулара ҳшалагаз, ҳара аиқәшаҳаҭра ҳадаҳкылеит, анеҩс, Европаҟны зхы иақәиҭу ахәахәҭратә қәыҧшылара наӡа иазку аиқәшаҳаҭреи, авизадатә режими, 2012 шықәсанӡа аӡәгьы ихахьы изааигомызт абри аҩыза ақәҿиара аиура шыҟалоз. Анеҩс, абри зегьы иахылҵит, имҩаҧаагаз аусура дуи ҳҽазышәара дуи иахылҵит акандидат астатус, уи ҳара ҳазынтәгьы иҳабзоуроуп. Ҳәарада, уи иара ахала изыҟаломызт, еиҭасҳәар сҭахуп, уи ҟалеит 2012 шықәса анеҩс ҳтәылаҿ иҟалаз шьаҭанкылатәи аиҭакрақәа рыбзоурала, Биӡина Иванишвилии, „Ақырҭуа гәахәтәи", инеизакны, ҳнапхгаратә гәыҧи, ҳнапхгаратәи партиеи ҳтәыла иазааргаз адемократиатә аиҭакра дуқәеи ҧхьаҟацара дуи абзоурала, ҳәарада, ари амҩа инагӡоит, уи ҳтәыла иҵегьы имаҷымкәа ақәҿиарақәа азаанагоит", - иҳәеит аҧыза-министр.
Иракли Ҕарибашвили ишазгәеиҭаз ала, аҵыхәтәантәи 3 шықәса рыла, Қырҭтәыла, адунеиаҿ зегьы реиҳа ирласны аҿиара иаҿу аекономикақәа ируакхеит.
„Ҳара, ҳаиҳабыра, иуадаҩӡоу агеополитикатә ҭагылазаашьаҿы, аҭынчреи, аҭышәынтәалареи ахьчареи аекономикатә азҳара ду аиқәыршәареи ҳалшеит, уи ҳуааҧсыра аконкреттә алҵшәақәа рзаанагеит.
Ҳәарада, сара ибзиаӡаны еилыскаауеит ҳтәылаҿы иахьагьы апроблемақәа шыҟоу. Раҧхьа иргыланы, зегьы реиҳа ҳаргәамҵуеит ҳтәыла аҵакырадгьылқәа рымпыҵахалара, рыцҳарас иҟалаз, ҳтәыла аҵакырадгьыл 20 наӡына иахьагьы импыҵахалоуп, ари аҵакырадгьыл ҳзахылаҧшуам.
Убри адагьы, ҳәарада, иахьагьы проблемас иҳамоуп аусурҭадара аҩаӡара, аха, иаҵшьны иазгәасҭар сҭахуп, сынтәа, аекономикатә аҿиара ду абзоурала, аҕарреи аусурҭадареи аҩаӡара аҭоурыхтә минимум аҟынӡа ишылаҟәыз, атәыла амилаҭтә резерв аҭоурыхтә максимум иазааигәахеит.
Насгьы, иаҵшьны иазгәасҭар сҭахуп абри иуадаҩу аҭагылазаашьаҿы ҳара напхгагас, апринцип хадас, конституциас ишҳамоу ҳтәыла амилаҭтә интересқәа рыхьчара.
Ҳаҭыр зқәу аминистр сиқәшаҳаҭуп, саргьы еиҭасҳәар сҭахуп - иахьа адунеитә аиҿкаашьа есымша аҽаҧсахуеит, ишаабо ала, ари апроцесс макьана аанкылашьа амам. Убри аҟынтә, абри аҩыза аҭагылазаашьаҿы, Қырҭтәыла иеиҧшу атәылаҿы, ҳара амилаҭтә интересқәа мацара рықәныҟәара ада уаҳа ҧсыхәа ҳамам.
Убри аҟынтә, аҩызцәа, аконкреттә алҵшәа лабҿаба иубарҭоуп. Амилаҭтә напхгара, амилаҭтә интересқәа мҩаҧызго аиҳабыра атәыла ианахагыла ашьҭахь, ҳтәылеи ҳуааҧсыреи ирыхәаша аконкреттә алҵшәақәа ҳауит - абасоуп алабҿабара шыҟоу", - иҳәеит аҧыза-министр.
Иракли Ҕарибашвили аконкреттә ретингқәагьы дрылацәажәеит.
„Сара, даҽазнык, 11 шықәсатәи ҳнапхгараҭара абзоурала ҳтәыла иаиуз алҵшәақәа срылацәажәар сҭахуп. Аконкреттә реитингқәак сырзааҭгылар сҭахуп, шәаргьы ҳуааҧсырагьы ишәгәаласыршәар сҭахуп ҳнапхгаратә партиа атәыла иазаанагаз аконкреттә қәҿиарақәа.
Ҳәарада, сықәгылара алагамҭаз ишысҳәаз еиҧш, адемократизациа апроцессаҿ ирласӡаны аҿиара иаҿу апрогресс ҕәҕәа ҳаман, еиҭасҳәар сҭахуп, адемократизациа аганахьала иҟоу 10 шықәсатәи апрогресс ала, иахьа Қырҭтәыла, 180 ҳәынҭқаррақәа рыбжьара аҧхьагылара змоу, иреиҕьу жәа-ҳәынҭқаррак иреиуп, иара убас, азакәан аиҳаӡара аидексла, Қырҭтәыла, Мрагыларатә Европеи Ацентртә Азиеи арегионаҿ актәи аҭыҧ ааннакылоит. Ҳтәыла аимиџь азы зҵакы дуу аиндекс сазааҭгылар сҭахуп, сара акоррупциа аҟынтә ахақәиҭра аиндекс ауп сызлацәажәо, Қырҭтәыла адунеиаҿ 33-тәи аҭыҧ ааннакылоит, Европа иреиҕьу ҩажәа ҳәынҭқаррақәа рыгәҭа игылоуп, Мрагыларатә Европеи Ацентртә Азиеи арегионаҿ актәи аҭыҧ аанаҳкылоит.
„Аглобалтә напхгараҭара аиндикаторқәа" апроект аҳәаақәа ирҭагӡаны Адунеи абанк ицәырнагаз „Адунеизегьтәи аекономикатә форум" „Аглобалтә конкуренциалшара иазку аҳасабырба" инақәыршәаны, аиҳабыра русушьа иазку акатегориаҿы, Қырҭтәыла Евроеидгылеи НАТОи иалоу аҳәынҭқаррақәа рацәа ирҧысит. Акоррупциа ахылаҧшра ареитинг аҿы адунеиаҿ 20-тәи аҭыҧ аанаҳкылоит, Европаҿ 11-тәи аҭыҧаҿ ҳгылоуп.
Аҩызцәа, зыӡбахәы ҳәоу аҳасабырба инақәыршәаны, азакәан аиҳаӡара ареитинг аҿы ҳтәыла адунеиаҿ 29-тәи аҭыҧаҿ игылоуп, Европаҿ 14-тәи аҭыҧаҿ. Арегулиациақәа рхаҭабзиара аганахьала, Қырҭтәыла, егьырҭ аекономикақәа рыгәҭа 7-тәи аҭыҧ ааннакылоит, аҳәынҭқаррақәа рыбжьара - 9-тәи аҭыҧ.
Иара убас, аглобалтә атәылауаҩратә уаажәларра аиҿкаара „Transparency International" ҵыҧх ицәырнагаз „Акоррупциа аарҧшра аиндекс" аҿы, Қырҭтәыла, 180 ҳәынҭқаррақәа рыбажьара 41-тәи аҭыҧ ааннакылоит. Уигьы аҭоурыхтә ҵакы змоу ақәҿиароуп, аҭоурыхтә максимумуп.
Аартызаара аиндекс ҳалацәажәозар, сынтәатәи алҵшәа инақәыршәаны, аҭҵаарақәа инрықәыршәаны, 17-тәи аҭыҧаҿ ҳгылоуп, Евроеидгыла 15 ҳәынҭқаррақәа ҳреиҕьуп.
Иара убас, „Fraser Institute" ицәырнагаз аҳасабырбагьы азгәасҭар сҭахуп, „Адунеи аекономикатә хақәиҭра аҳасабырба" инақәыршәаны, Қырҭтәыла адунеи иреиҕьу 25 ҳәынҭқаррақәа иреиуп.
Уи адагьы ишәгәаласыршәар сҭахуп „Freedom House" ицәырнагаз „Аинтернет ахақәиҭра аиндекс" инақәыршәаны, Қырҭтәыла, „Зхы иақәиҭу атәылақәа" реиқәыҧхьаӡаҿы, адунеи 70 ҳәынҭқаррақәа рыбажьара 9-тәи аҭыҧ шааннакыло.
Иара убас, ишәасҳәар сҭахуп, адунеи иреиҕьу швеицариатәи аналитикатә центр - Global Risk Profile ицәырнагаз - „Аглобалтә коррупциа аиндекс 2023" аҿы, Қырҭтәыла апозициа 2 ҭыҧк рыла еиҕьхан, ҳтәыла адунеи 190 ҳәынҭқаррақәа рыбжьара 43-тәи аҭыҧ ааннакылеит.
Аҩызцәа, абиуџьет аартызаара инақәырәшаны, Қырҭтәыла адунеиаҿ актәи аҭыҧ ааннакылоит. Уи ҳаиҳабыра имҩаҧыргаз аусура ду иабзоуроуп. Иара убас, аҵыхәтәаны, анапхгараҭара ахаҭабзиара сахцәажәар сҭахуп - Қырҭтәыла, арегион мацараҿ акәымкәа, Евроеидгыла алаларазы акандидат астатус змоу атәылақәа рыбжьарагьы иалкаауп, уи еиҳангьы, индикаторқәак рыла Евроеидгыла иалоу 10 ҳәынҭқарраки акандидат астатус змоу 8 ҳәынҭқарраки раҧхьа ҳгылоуп. Адунеи абанк ицәырнагаз Анапхгараҭара аиндикаторқәа инрықәыршәаны, арегулиациақәа рхаҭабзиара ала, Қырҭтәыла, Евроеидгыла иалоу 13 ҳәынҭқаррақәеи акандидат астатус змоу атәылақәеи иреиҕьуп. Акоррупциа ахылаҧшра аиндикатор аҿы Қырҭтәыла Евроеидгыла иалоу 10 ҳәынҭқарраки акандидат астатус змоу атәылақәеи иреиҕьуп. Аиҳабыра русушьа аиндикатор аҿы Қырҭтәыла Евроеидгыла иалоу 8 ҳәынҭқарраки акандидат астатус змоу атәылақәеи иреиҕьуп. Абри алҵшәоуп ҳаиҳабыра русура иахылҵыз. Даҽазнык еиҭасҳәар сҭахуп, ҳәарада, шәара шәҟынтә адгылара ҳамамзҭгьы, абри аҩыза алҵшәа зыҟаломызт. Абарҭ алҵшәақәа ҳара ҳазынтәгьы иҳабзоуроуп - апарламенти, аиҳабыреи, инеизакны атәыла анапхгареи, ҳәарада, ари аус аҿы ацҳаражәҳәаҩцәагьы ароль ду нарыгӡеит. Шәызынтәгьы абри аҭоурыхтә аиааира даҽазнык ишәыдысныҳәалар сҭахуп. Ҳтәылауаа зегьы абри аӡбара ишеигәырҕьаз здыруеит,а уажәы ҳтәылазы, ҳажәлар рзы иаҳа ирацәаны аҟаҵаразы иаҳа амотивациа ҳамоуп. Ҳпартниорцәа, америкатә ҳколлегацәа, европатәи ҳколлегацәа, даҽазнык ҭабуп ҳәа расҳәар сҭахуп. Ишыжәдыруа еиҧш, аҵыхәтәантәи ашықәсқәа рзы ҳдәныҟатәи аполитика алҵшәа бзиа ахылҵит. Хаҭала, сара, активла адәныҟатәи аполитика мҩаҧызгон, ақәҿиара ду зхылҵыз авизитқәеи аиҧыларақәеи сыман. Ҳгәылара иҟоу атәылақәа мацара ракәымкәа, ҳәарада, раҧхьа иргыланы, европатәи амасштабалагьы, қәҿиарала имаҷымкәа аиҧыларақәеи авизитқәеи мҩаҧаагеит, ҳәарада, ҩ-ганктәи аизыҟазаашьақәа иаҳа иҕәҕәахеит, рыҩаӡара шьҭыҵит, иара убас, аганрацәалатәи форматқәа рҿгьы ҳаизаҟызаашьақәа иаҳа иҕәҕәахеит. Ишыжәдыруа еиҧш, арегионаҿгьы, Ацентртә Азиа атәылақәа рҿгьы, Китаигьы, қәҿиарала авизитқәа мҩаҧган, ари арегионаҿ ҳаимадарақәа усҟак иҕәҕәамызт, аха, уажәы, Китаии ҳареи астратегиатә парниорцәа ҳауп, ишыжәдыруа еиҧш, ари атәыла адунеиаҿ аҩбатәи аекономикоуп, Китаи аҟны ахәаахәҭра-економикатә еизыҟазаашьақәа рырҭбаара ҳара ҳзы аҵакы ду амоуп. Ҳәарада, ҳара ҳзы аҵакы ду амоуп ҳстратегиатә партниорцәа - Америкеи европатәи атәылақәеи рҟны аизыҟазаашьақәа рырҕәҕәареи рырҭбаареи. Жәаҳәарада, арегионаҿ агармониатә еизыҟазаашьақәа амоуп, Ҭырқәтәылеи, Азербаиџьани, Шәамахьтәылеи ҳареи ҳаизыҟазаашьақәа ҕәҕәоуп, Қырҭтәыла арегионаҿ акыраамҭалатәи аҭынчра ашьақәыргылара апроцессаҿ алагала аҟаҵара иазҿлымҳауп. Аҵыхәтәантәи аамҭазы ҳдәныҟатәи аполитика ақәҿиара ду ахылҵыт ҳәа ҳҳәар ҳалшоит. Ацҳаражәҳәаҩцәеи адәныҟатәи аусқәа рминистр, ҳаҭыр зқәу Илиеи ҭабуп ҳәа расҳәар сҭахуп. Аминистрраҿы, аминистр ихаҭа инапхгарала, азҵаарақәа рацәа шыӡбаз здыруеит, иара анапхгараҭара бзиа азыҳәан ҭабуп ҳәа иаҳәатәуп. Аҩызцәа, ҳара даҽа ҳасабтәкгьы ҳамоуп, ганкахьала, ареформақәа рынагӡареи ирласӡаны алҵшәа бзиа аиуреи. Ишыжәдыруа еиҧш, атәыла даҽа етапкахь аиагара амзызла иакымкәа ашьаҿақәа ҟаҳҵеит", - иҳәеит Иракли Ҕарибашвили.
Аиҳабыра рнапхгаҩы иажәақәа рыла, аҵыхәтәантәи 30 шықәса рыҩныҵҟала, зеиҧшҟамлац жәашықәсатәи анапхгара адекада иҟан, атәылаҿ акрызҵазкәа аимак аныҟамыз, ари аамҭа иалагӡаны ҳтәыла ахатә ҵакырадгьылқәа ацәымӡит.
„Аҵыхәтәантәи ашықәсқәа рзы ҳара аинфраструктура аҿиареи, иара убас, апроект дуқәа рынагӡареи азыҳәан активла аусура ҳалагеит. Зыӡбахәы ҳәоу апроектқәа иреиуп Анаклиатәи иҵаулоу абаҕәаза аргылареи аҳаирбаҕәазақәа рырҿиареи. Иара убас, Амшын еиқәа аӡаҵантәи акабель апроект азгьы аусура наҳагӡоит, мызқәак рышьҭахь аҵыхәтәантәи аҭҵаарақәа рылҵшәақәа ҳауеит. Иара убас, амуниципалитетқәа зегьы рҿы, атәыла зехьынџьара, активла аргыларатә усурақәа мҩаҧысуеит. Абри аласра ихьчатәуп. Иаҳа активла аусура наҳагӡароуп, даҽазнык иазгәасҭар сҭахуп - иахьа ҳазлацәажәо мышхәыбзазареи, аекономикатә ҧхьаҟацареи, аҿиареи зыҟаломызт атәылаҿ аҭынчреи аҭышәынтәалареи еиқәыршәамзҭгьы, иахьатәи сықәгылара анҵамҭаз даҽазнык иазгәасҭар сҭахуп аҭынчра аҵакы ду шамоу. Иара убас, иаҵшьны иазгәасҭар сҭахуп ҳара ҳаамҭазтәи аҭоурых ибзианы ишаадыруа. Аҵыхәтәантәи 30 шықәса рыҩныҵҟала, зеиҧшҟамлац жәашықәсатәи анапхгара адекада иҟан, атәылаҿ акрызҵазкәа аимак аныҟамыз, абри аамҭа иалагӡаны ҳтәыла ахатә ҵакырадгьылқәа ацәымӡит. Аиҳабырақәа зегьы рхаан атәылаҿ аибашьрақәа иҟан, урҭ рыбжьара - атәылауаҩратә аиҿагыларагьы, арыцҳара, аҵакырадгылқәа рцәыӡра, ауааҧсыра рмиграциа, уҳәа, уб. егь.. Абри зегьы амшала ҳтәыла, акырӡа шьҭахьҟа ицеит, апрактикала иуҳәозар, зегьы аханатә аҟаҵареи аргылареи ҳақәшәеит. Уажәааны Аекономикатә хеилак аҿы ари азҵаара ҳалацәажәон, ишыжәдыруа еиҧш, интенсивла аилатәарақәа мҩаҧаагоит, мчыбжьыкахь знык, уаагьы абри азҵаара ҳалацәажәеит, аханатә иҟаҵатәу рацәахеит. Амҩақәеи аинфраструктуреи мацара акәӡам ҳазлацәажәо, ақалақьқәа зегьы рҿы, амуниципалитетқәа зегьы рҿы аусура ду мҩаҧгатәуп. Убри аҟынтә, ҳаҧхьаҟа аинтерес ду зҵоу амҩа ахысра ҳақәшәоит. Еиҭасҳәар сҭахуп, ҳара ҳзы ахадаратә ҳасабтәзароуп аҭынчреи аҭышәынтәалареи ахьчара, атәыла абри аҩыза аконкреттә алҵшәақәа азаазгаша астратегиатә ачҳара аполитика ақәныҟәара, насгьы, ҳәарада, уажәы ҳазлацәажәаз ареформақәа рынагӡарагьы. Ҳаҭыр зқәу ацҳаражәҳәаҩцәа, адипломатцәа, даҽазнык ишәыдысныҳәалар сҭахуп, Абри аиааира, абри ақәҿиара шәара ишәыбзоуроуп, уи иаҳзеиҧшу аиааироуп. Ақәҿиарақәа шәзеиҕьасшьар сҭахуп; ҧшӡала Ашықәс ҿыц аҧылара шәзеиҕьасшьоит. Даараӡа иҭабуп", - иҳәеит аҧыза-министр.
Ацҳаражәҳәаҩцәа рконференциа алахәылацәа рҿаҧхьа иқәгылеит адәныҟатәи аусқәа рминистр Илиа Дарчиашвилии Қырҭтәыла апарламент ахантәаҩы Шьалуа Папуашвилии.
Иара убас, аусмҩаҧгатә алахәылацәа иазыӡырҩит Агәыларатә политикеи арҭбаара азҵаарақәеи рзы еврокомиссар - Оливер Варҳеии Еврокомиссиа агәыларатә политикеи арҭбааразы аиҿцәажәарақәеи рзы адиректорат хада агенералтә директор - Херт Иан Копмани рвидеоааҧхьарақәа.
Ацҳаражәҳәаҩцәа рконференциа аартра рхы аладырхәит анагӡаратәи азакәанҧҵаратәи мчра ахаҭарнакцәа.
Аҳәаанырцә аус зуа Қырҭтәыла адипломатиатә хаҭарнакрақәеи аконсултә усбарҭақәеи рнапхгаҩцәа есышықәсатәи реизара - „Ацҳаражәҳәаҩцәа рконференциа 2023, Қырҭтәыла - Евроеидгыла алаларазы акандидат тәылоуп" - мҩаҧысуеит Адәныҟатәи аусқәа рминистрра аиҿкаарала.
2023 шықәсазы ацҳаражәҳәаҩцәа рконфренциа атема хадоуп Қырҭтәыла акандидат астатус анашьара иазкны Евроеидгыла иаднакылаз аӡбара. Ҩымштәи аконференциаан уи алахәылацәа, даҽазнык иазааҭгылоит Қырҭтәыла анапхгара имҩаҧыргаз аусуреи ҳаҧхьаҟа иҟаҵатәу ашьаҿақәеи, акандидат астатус аполитикатәи апрактикатәи аспектқәеи, арегионаҿ Қырҭтәыла ароль ҿыци, иара убас, - евроинтеграциа апроцессаҿ ицәырҵыз алшара ҿыцқәеи.
Аиҳaбырa рaдминистрaциa aпрессмaҵзура