2024-02-26
.jpeg)
.jpeg "..")
Жәабран 25 рзы асоветтә ампыҵахалара амш азгәаҳҭоит. Ари амш даҽазнык иҳгәаланаршәоит атәыла ахьыҧшымра зыҧсоу, - иҳәеит Қырҭтәыла аҧыза-министр Иракли Кобахиӡе аиҳабыра реилатәараҿы.
Аиҳабыра рнапхгаҩы ишазгәеиҭаз ала, атәылауаҩ цыҧхьаӡа Қырҭтәыла ахьыҧшымра ахьчара иуалуп.
„Шәышықәса раҧхьа аурыс ар Қырҭтәылаҟа иааргеит аҧсадгьыл закәу ззымдыруаз аетникатә ақырҭуаа, абольшевикцәа, дара аҧсадгьыл иаанаго рзеилкаауамызт. Абри зегьы даҽазнык иҳгәаланаршәоит урҭ рҩызцәа ауаа агәҽанызаара дула ишрызныҟәатәу, принципқәа рыда анхара - рыҧсҭазаашьа апринцип хадас иҟалеит. Ҳара ҳазынтәгьы Қырҭтәыла ахьыҧшымра ахьчара иаҳуалуп", - иҳәеит аҧыза-министр.
Аиҳабыра рнапхгаҩы Украина аибашьра алагара инаркны ҩышықәса аҵра далацәажәан, аукраин жәлар даҽазнык адгылара рзааирҧшит.
„Урыстәылатәи агрессиеи аиашамра дуӡӡеи зхызго аиҩызаратә аукраин жәлар даҽазнык адгылара рзаасырҧшуеит. Украинатә аруааи атәылауаҩратә хаҿқәеи рацәа иҭахеит, урҭ иреиуп шәҩыла ахәыҷқәагьы. 10 миллионҩык иреиҳаны украинаа ахҵәараҿы иҟоуп, урҭ реиҳара аҳәсеи ахәыҷқәеи роуп. Украинатәи аекономикеи аинфраструктуреи ихыбгалоуп. Аибашьра иалагаанӡа импыҵахалаз аҵакырадгьылқәа ирҿаҳарҧшыр, иахьазы ҩынтә еиҳаны аҵакырадгьылқәа импыҵахалоуп. Абри зегьы иҳгәаланаршәоит аҭынчра зыҧсоу. Аиҩызаратә аукраин жәлар даҽазнык аҭынчреи, ахьыҧшымреи, аҵакырадгьылтә акзаара аиҭашьақәыргылареи рзеиҕьасшьоит", - иҳәеит аҧыза-министр Иракли Кобахиӡе.
Аилатәараҿы аҧыза-министр ишазгәеиҭаз ала, Китаитәи жәлартә республика зҵакы дуу аӡбара аднакылеит Қырҭтәыла атәылауаа авизадатә режим рзышьақәыргылара иазкны. Аҧыза-министр ишиҳәаз ала, Қырҭтәыла атәылауаа, 30 мшы Китаи авизада аҟазаара рылшоит.
„Ари аӡбара ҵыҧх Қырҭтәылеи Китаии ирыбжьарҵаз астратегиатә партниорра иазку аиқәшаҳаҭра апрактикала иахылҵыз алҵшәоуп. Ҳтәылауаа ирыдысныҳәалар сҭахуп, китаитәи ҳҩызцәа, Китаи анапхгара абри зҵакы дуу аӡбара адкыларазы ҭабуп ҳәа расҳәоит", - иҳәеит аҧыза-министр.
Аиҳабыра рнапахгаҩы ареспубликатә хәышәтәырҭа иадҳәаланы имҩаҧысуа апроцессқәагьы дырзааҭгылан, агәабзиарахьчара аминистр идиҵеит хара имгакәа аконцепциа ҿыц цәыригарц.
„Агәабзиарахьчара аминистр сиҳәар сҭахуп излауа ала ирласны аконцепциа ҿыц цәыригарц, уи абзоурала, сынтәаҵәҟьа ахыбра ҿыц аргылара ҳалагар ҳалшоит", - иҳәеит Иракли Кобахиӡе.
Иара убас, аҧыза-министр, атәанчуаа рзы анаӡынатә хәҭа армаҷра далацәажәан, аиҳабыра алахәылацәа дрыҳәеит атәанчуаа рзы ирҿыцу аҭагылазаашьақәа цқьа аилкаареи ажәлар аинформациа иаша рыҭареи азыҳәан аиҿцәажәарақәа нарыгӡарц.
„Сара „Либерҭи банк" ҷыдала саҭабууп иҳараку асоциалтә ҭакҧхықәра аарҧшразы. Абанк, раҧхьа иргыланы, акоммерциатә интересқәа амоуп, уи ибзианы еилаҳкаауеит, аха, уи инаваргыланы, зыӡбахәы ҳәоу абанк асоциалтә ҭакҧхықәра ду аарҧшны, анаӡынатә хәҭа пунктқәак рыла армаҷразы аӡбара аднакылеит", - иҳәеит Иракли Кобахиӡе.
Аиҳабыра реилатәараҿы аҧыза-министр ауниверситет иалгаз аҿар рзы аџьаусҧса зқәу аҧышәара далацәажәан, ишазгәеиҭаз ала, сынтәа 2-3 нызқьҩык аҿар аҳәынҭқарратә усбарҭақәа рҿы аџьаусҧса зқәу ҧшьымзтәи аҧышәара иахысуеит.
Ишыжәдыруа еиҧш, ҵыҧх апарламент, Аҿар аџьаусҧса зқәу аҧышәара алшара ранашьара иазку азакәан аднакылеит. Ари азакәан қәҿиарала инагӡатәуп, ари азҵаара иадҳәаланы исыдыскылаз аӡбара шәсырдырыр сҭахуп, зыӡбахәы ҳәоу азакәан, сынтәаҵәҟьа, аҧышәаратә режимаҿ амч аиуеит", - иҳәеит аҧыза-министр.
Аиҳабыра рнапхгаҩы ишазгәеиҭаз ала, 2004 шықәса инаркны раҧхьаӡа акәны идырҿыцуеит Азеиҧш аҵара амилаҭтә хықәкқәа рдокумент.
„Аҵара аминистр ицәыригеит Азеиҧш аҵара амилаҭтә хықәкқәа рдокумент, уи 2004 шықәса инаркны раҧхьаӡа акәны ирҿыцуп. Адокумент инақәыршәаны, азеиҧш аҵара асистема ахадаратә ҳасабтәхоит амилаҭ-патриоттә гәалаҟазаареи, хаҭалатәи аҿиареи, аҭаацәара аинститут пату ақәҵареи, ауниверсалтә етикатә принципқәеи, адемократиатә принципқәеи еиқәзыршәо ашколтә лагылазаара аиқәыршәара",- иҳәеит аҧыза-министр Иракли Кобахиӡе.
Аиҳaбырa рaдминистрaциa aпрессмaҵзура