2023-01-10
Антикоррупциатә биуро аиҳабы иалхртә конкурс уаҵәы ирыларҳәоит. Ари аӡбара рыдыркылеит иахьа имҩаҧгаз Антикоррупциатә биуро аиҳабы иҭыҧазы акандидат иалхратә аконкурстә комиссиа аилатәараҿы. Аиҳабыра радминситрациаҿы имҩаҧгаз аилатәара анапхгара азиуит аиҳабыра радминистрациа аиҳабы Реваз Џьавелиӡе.
Реваз Џьавелиӡе ишазгәеиҭаз ала, акомиссиа аилатәараҿы акомиссиа аҧҟанҵа шьақәдырҕәҕәеит.
„Акомиссиа аҧҟанҵаҿы иарбоуп акандидат дызлалырхуа адокуменқәа реиқәыҧхьаӡеи апроцедурақәеи. Акомиссиа аҧҟанҵа икьыҧхьазаауеит аиҳабыра радминистрациа авеб-даҟьаҿы, иашьашәалоу аҳәарақәа ирышьашәалоу акандидатцәа зегьы дара ирызку адыррақәеи аинформациеи цәырыргар рылшоит ажьырныҳәа 25-нӡа. Аконкурс ихы алаирхәыр илшоит аӡбамҭа зқәымыз, иреиҳаӡоу аиуристтә аҵареи аиустициа асистема, азинхьчаратә органқәа, мамзаргьы, ауаҩытәыҩса изинқәа рыхьчара асхкы аҿы хәышықәса еиҵамкәа аусуратә ҧышәеи, иара убас, азанааҭтәи аморалтәи репутациа бзиеи змоу Қырҭтәыла атәылауаҩ", - иҳәеит Реваз Џьавелиӡе.
Антикоррупциатә биуро аиҳабы иалхратә конкурс рылаҳәоуп Қырҭтәыла аҧыза-министр 2022 шықәса ҧхынҷкәын 22 рзы иҟаиҵаз адҵа №289-и 2022 шықәса ҧхынҷкәын 30 рзы иҟаиҵаз адҵа №304-и ашьаҭала, акомиссиа еиҿкаауп, 2022 шықәса ҧхынҷкәын 30 рзы иҟаҵаз адҵа №304 ала иҳәаақәҵоуп акомиссиа аилазаара.
Аконкурстә комиссиа иалоуп: аиҳабыра радминистрациа аиҳабы Реваз Џьавелиӡе; апарламентаҿ иҟоу Ауаҩытәыҩса изинқәа рыхьчареи атәылауаҩратә интеграциеи азы акомитет ахантәаҩы Михаил Сарџьвелаӡе; апарламентаҿ иҟоу Аиуристтә зҵаарақәа рзы акомитет ахантәаҩы Анри Оханашвили; Иреиҳаӡоу аӡбарҭа ахантәаҩы ихаҭыҧуаҩ Гьаргь Миқаутаӡе; апрокурор хада актәи ихаҭыҧуаҩ Бакур Абулаӡе; Жәлар рыхьчаҩ инапынҵақәа назыгӡо Ҭамар Гварамаӡе; „Жәлабжьаратәи аартызаара - Қырҭтәыла" ахаҭарнак Алеқсандр Қевхишвили.
Қырҭтәыла азакәанҧҵраҿы имҩаҧгаз аҧсахрақәа инрықәыршәаны, аҧҵоуп азеиҧш зин аиуристтә хаҿы - Антикоррупциатә биуро, уи ахатә усура мҩаҧнагоит аӡәы ихьыҧшымкәа, Қырҭтәыла апарламенти аусбарҭабжьаратә Антикоррупциатә хеилаки рҿаҧхьа аҳасабырбара аҧхықәуп.
Антикоррупциатә биуро анапхгара азиуеит Антикоррупциатә биуро аиҳабы, уи аконкурс ала далхзаауеит аҳәынҭқарратә усбарҭақәеи атәылауаҩратә уаажәларреи ахаҭарнакцәа рыла еиҿкаау аконкурстә комиссиа ала. Аконкурс ала иалырхуеит ҩыџьа иреиҵамкәа, аха хәҩык иреиҳамкәа акандидатцәа. Антикоррупциатә биуро анапхгаҩы дықәиргылоит Қырҭтәыла аҧыза-министр, 6 шықәса аҿҳәара иҭаны.
Аиҳaбырa рaдминистрaциa aпрессмaҵзура