2021-12-07
Амҵәышәампыл аусхкы аҿиареи Амҵәышәампыл азы амилаҭтә федерациа ацхраареи азы 100 миллион лари аныхра ҳгәы иҭоуп - иҳәеит Қырҭтәыла аҧыза-министр Иракли Ҕарибашвили Амҵәышәампыл азы амилаҭтә федерациа ахада Паата Гураспаули даниҧылоз.
Аҧыза-министр иҳәамҭала, атәылаҿы амҵәышәампыл аӡыргара амзызла, аиҳабыра, амҵәышәампыл аҿиара апрограмма аус арура ргәы иҭоуп.
Иракли Ҕарибашвили ишазгәеиҭаз ала, Евробаскет - 2022 қәҿиарала амҩаҧгара аҵакы ду амоуп, убри аҟынтә, Амҵәышәампыл азы амилаҭт федерациа аиҳабыра рҟынтә адгылара ду амазаауеит.
„Аиҳабыра рыхьӡала, патуқәҵара ду шәзаасырҧшыр сҭахуп, Амҵәышәампыл азы афедерациа ҳара ҳҟынтә адгылара ҕәҕәа амоуп. Уажәы ҳара зҵакы дуу ауснагӡатә мҩаҧаагароуп, Евробаскет 2022, убри аҟынтә ҳҽазышәарақәа зегьы абри ауснагӡатә ду қәҿиарала амҩаҧгара иазкызароуп. Аиҳабыра рҟынтә адгылара ҕәҕәа шәымоуп, азал дуқәа рыргылара ҳшаҿу жәдыруеит, аиҳабыра ари апроцесс активла иалахәып, ҳаҧхьаҟа иаҳа ирацәаны иҟаҳҵоит. Ҳаҧхьаҟатәи апланқәа реиқәыршәаразы аус еицааур сҭахуп. Ҳара, амҵәышәампыл аусхкы аҿиареи Амҵәышәампыл азы амилаҭтә федерациа ацхраареи аус 100 миллион лари азоушьҭра ҳгәы иҭоуп, амҵәышәампыл иаҳа иҳараку аҩаӡарашҟа ашьҭыхреи афедерациа ацхраареи азыҳәан. Арегионқәа рҿы абри аусхкы хымҧада аҿиара аҭатәуп, уаҟа амҵәышәампылтә школқәа аарттәуп, агәырҵҟәыл злоу аҿар, аспортсменцәа ааӡатәуп. Иахьа абарҭ атемақәа ҳрылацәажәарц азоуп ҳзеизаз. Иара убас, ҳаизга алахәыла, ҳаҭыр зқәу Виктор Саникиӡе, еицырдыруа амҵәышәампыласҩи зҽазҧсазтәыз аспортсмени сизыӡырҩыр сҭахуп. Иаргьы ихатә гәаанагарақәеи аидеиақәеи имоуп",- иҳәеит Иракли Ҕарибашвили.
Аҧыза-министр Амҵәышәампыл азы афедерациа ахада Паата Гураспаулии Амҵәышәампыл азы афедерациа амаӡаныҟәгаҩ хада, FIBA-Европа аборд алахәылеи, Европа аиуристтә комитет ахадеи Гьаргь Қарҭвелишвили дара инарыгӡаз аусуразы ҭабуп ҳәа реиҳәеит.
"Ҳаҭыр зқәу Паата, ҳаҭыр зқәу Гига, ҭабуп ҳәа шәасҳәар сҭахуп. Шәара иҟашәҵаз рацәоуп, инеизакны иуҳәозар, амҵәышәампыл азы иҟашәҵо рацәоуп. Ҳара ҳазынтәгьы ибзианы иаадыруеит амҵәышәампыл аҿиара аус аҿы алагала ду шыҟашәҵаз, убри азыҳәан шәареи шәгәыҧи аиҳабыра рыхьӡала ҭабуп ҳәа шәасҳәоит. Ҳәарада, ҳара, амҵәышәампыл аҿы, шәҭаацәараҿы, аҭынчреи, акзаареи, аҕәҕәареи, аҿиареи иҟазар ҳҭахуп, агәра ганы сыҟоуп аминистрраҟны шәеиқәшаҳаҭны аус шыжәуа, аиҳабыра рҟынтә, хаҭала сара сҟынтә, адгылареи ацхыраареи шәымазаауеит. Сара сызлацәажәоз ацифра, 100 нызқь лари, уи иадҳәаланы, иаҳа инарҭбааны ҳгәаанагара шәыдаагалоит. Амҵәышәампыл хшыҩзышьҭра ду азааур ҳҭахуп. Ишыздыруа ала, алхрақәа мҩаҧыжәгараны шәыҟоуп, арҭ алхрақәа ҭынч, иаҳзеиҧшу аҭаацәареи ауси ишрықәнагоу ала, ацивилизациатә принципқәа рышьаҭала имҩаҧгатәуп. Аҭынчреи аҿиареи иҟазароуп. Убри ауп ҳара иаҳҭаху. Евробаскетгьы қәҿиарала имҩаҧаагароуп, уажәазы уи ахадаратә ҵакы змоу ҳхықәкқәа иреиуп, анеҩс, аҿиара ҳазхәыцып. Амҵәышәампыл аҩаӡара шьҭаҳхроуп, атәылаҿы уи аӡыргара ҳацхраароуп. Реалра иуҳәозар, атәылаҿы амҵәышәампыл аҿиаразы апотенциал ду иҟоуп, ари аганахьала Виктор Саникиӡеи ақәҿиара дуқәа змоу егьырҭ ҳспортсменцәеи иҿырҧшыгоуп",- иҳәеит Иракли Ҕарибашвили.
Амҵәышәампыл азы амилаҭтә федерациа ахада Паата Гуласпаури аҧыза-министр адгыларазы ҭабуп ҳәа иеиҳәеит. Иара иажәақәа рыла, амҵәышәампыл атәылаҿы зегьы реиҳа ақәҿиара змоу аспорт ахкқәа иреиуп, уи аиҳабырагьы ирыбзоуроуп.
Аиҳабыра русмҩаҧгарҭаҿы имҩаҧгаз аиҧылара рхы аладырхәит авице-аҧыза, Қырҭтәыла акультуреи, аспорти, аҿар русқәеи рзы аминистр Ҭеа Ҵулукиании, апарламент аҿы иҟоу аспорти аҿар русқәеи рзы акомитет ахантәаҩы ихаҭыҧуаҩ Виктор Саникиӡеи, Амҵәышәампыл азы амилаҭтә федерациа амаӡаныҟәгаҩ хада, FIBA-Европа аборд алахәылеи Европа аиуристтә комитет ахадеи Гьаргь Қарҭвелишвилии.
Аиҳaбырa рaдминистрaциa aпрессмaҵзура