2021-12-15
Қырҭтәыла аҧыза-министр Иракли Ҕарибашвили, Бриуссель, Лиетуватәи ареспублика ахада Гитанас Науседа ихьӡала имҩаԥгазз аусуратә шьыжьхьаҿы дыҟан, ауснагӡатә рхы аладырхәит „Ассоциациатә триои" (Қырҭтәыла, Украина, Молдова) Евроеидгылеи рлидерцәа. Ауснагӡатә мҩаҧган Мрагыларатә партниорра асаммит аҳәаақәа ирҭагӡаны.
Аиҧылара алахәылацәа Мрагыларатә партниорра аусхәаҧштәи „Ассоциациатә трио" аҧыза-министрцәа Бриуссель еицымҩаҧыргаз авизити иалацәажәеит. Авизит аан иазгәаҭан асаммит аполитикатә декларациаҿы трио атәылақәа рзы зҵакы дуу азҵаарақәа раарҧшра аҵакы.
Ишазгәаҭаз ала, адекларациаҿы хымҧада иазгәаҭатәуп Мрагыларатә партниорра Евроеидгылазы иамоу аҵаки, Қырҭтәылеи апартниорцәеи рхьыҧшымреи рҵакырадгьылтә акзаареи адгылареи.
Аҧыза-министр ишазгәеиҭаз ала, Қырҭтәыла асаммит аҟынтә иазыҧшуп Евроеидгыла иаку аџьармыкьашҟа етапла аинтеграциеи, атранспорттәи, аенергетикатәи, арыцхәтәи аусхкқәа рҿы Евроеидгылаҟны аимадара арҕәҕәареи уҳәа, Қырҭтәылазы крызҵазкәа азҵаарақәа рызгәаҭара.
Аиҧылараҿы иазааҭгылеит ашәарҭадара аганахьала арегион аҿы аҭагылазаашьеи аҳасабтәқәеи. Ҷыдала иазгәаҭан азеиҧш евроатлантикатә шәарҭадара аиқәыршәара апроцесс аҿы Амшын еиқәа ашәарҭадара аҵакы.
Аиҳaбырa рaдминистрaциa aпрессмaҵзура