2021-12-16
Қырҭтәыла аҧыза-министр Иракли Ҕарибашвили, Евроеидгыла аинститутқәеи, иалахәы атәылақәеи, апартниор тәылақәеи рлидерцәа рыгәҭа, Мрагыларатә партниорра 6-тәи асаммит ихы алаирхәит.
Асаммит аҿы данықәгылоз, аиҳабыра рнапхгаҩы даҽазнык иаҵшьны иазгәеиҭеит Қырҭтәыла европатәи алхреи аҽазышәарақәеи ишрызгәыку. Иара убас, иара трио далацәажәан, ишиҳәаз ала, зыӡбахәы ҳәоу аформат аанарҧшуеит апартниорра ахадаратә принципқәа иреиу - адиференциациа апринцип. Аҧыза-министр ишиҳәаз ала, триои Евроеидгылеи русеицура иаҳа иҕәҕәахап ҳәа дгәыҕуеит, избанзар, уи ассоциациа иазку аиқәшаҳаҭра иахылҵыз алшарақәа инаӡаны рхархәара иацхраауеит.
Асаммит аҿы данықәгылоз, Иракли Ҕарибашвили, ашәарҭадара аганахьала арегион аҿы иҟоу апроблемақәа дырзааҭгылан, ишазгәеиҭаз ала, аимак аҭыҧқәҵара апроцесс аҿы Евроеидгыла алахәызаара хымҧада иазырҳатәуп, Евроеидгыла абжьацәажәарала 2008 шықәса нанҳәа 12 рзы амца аанкылара иазкны аганқәа ирыдыркылаз аиқәшаҳаҭра инаӡаны анагӡара ахырхарҭалагьы.
Асаммит аҿы Евроеидгыла ала ишьақәырҕәҕәан Мрагыларатә партниорра астратегиатә ҵакы, даҽазнык иазхаҵан ассоциациатә партниорцәа европатәи рҽазышәарақәа, иаҵшьны иазгәаҭан апартниор тәылақәа, рхы иақәиҭны, Евроеидгылаҟны аизыҟазаашьақәа рыҭбаареи аусеицура ахаҭабзиареи аҳәаақәҵареи азин шрымоу.
Асаммит алахәылацәа зегьы ассоциациатә партниорцәа, Қырҭтәылеи, Молдовеи, Украинеи - „Ассоциациатә трио" Евроеидгылаҟны аусеицура арҕәҕәара иазкны иқәдыргылаз аинициатива иақәшаҳаҭхеит, зыӡбахәы ҳәоу аинициаива хықәкыс иамоуп абри апроцесс аҿы дара рыбжьара акоординациа ҕәҕәа ашьақәыргылара, ассоциациа иазку аиқәшаҳаҭра анагӡареи Мрагыларатә партниорра аҳәаақәа ирҭагӡаны аусеицура арлахҿыхреи ахырхарҭалагьы. Алидерцәа еиҭах ишьақәдырҕәҕәеит апартниор тәылақәа рхьыҧшымреи жәларбжьаратәи азхаҵара змоу аҳәаақәа ирҭагӡаны рҵакырадгьылтә акзаареи ишадгыло. Хшыҩзышьҭра азун ашәарҭадара аганахьала арегион аҿы иҟоу аҭагылазаашьа, ишазгәаҭаз ала, жәларбжьаратә зин анормақәа реилагара афактқәа Европа аҵакырадгьыл аҿы аҭынчразы шәарҭоуп. Абри аконтекст аҿы иаҵшьны иазгәаҭан арегион аҿы иҟоу аимакқәа рҭыҧқәҵаразы аҽазышәара ҿыц ахымҧадара, уи ала иазҧхьагәаҭоуп абри апроцесс аҿы Евроеидгыла алахәызаарагьы.
Асаммит алахәылацәа ишьақәдырҕәҕәеит Мрагыларатә партниорра ахадаратә принципқәа иреиу - адиференциациа апринцип ишақәшаҳаҭу. Абри апринцип ашьаҭала, апартниор тәылақәа Евроеидгылаҟны аинтеграциа аинструментқәа ахазхаҭала иранашьазаауеит. Абри аконтекст аҿы иахәаҧшуеит „Ассоциациатә трио" атәылақәа Евроеидгыла иаку аџьармыкьашҟа етаплаа ринтеграциа азҵаарагьы.
Асаммит алидерцәа ирыдыркылаз аполиткиатә декларациаҿы Мрагыларатә партниорра аҳәаақәа ирҭагӡаны актуалтә ҵакы змоу азҵаарақәа зегьы адгылара ҕәҕәа рзаарҧшуп. Адекларациаҿы иарбоуп Мрагыларатә партниорра аусхәаҧштә ҿыцгьы. Евроеидгылеи егьырҭ апартниор тәылақәеи ирывагыланы, Қырҭтәылагьы аусхәаҧштә аус адулара апроцесс активла иалахәын. Иҳәаақәҵаз амбициатә усхәаҧштә апартнио тәылақәа ирыцхраауеит ашәарҭадареи, аекономикеи, аинститутқәеи, аҧсабарахьчареи, арыцхәтә трансформациеи амеханизмқәа рырҕәҕәараҿы. Мрагыларатә партниорра иалахәы атәылақәа рзы аинструментқәа зегьы излауа ала рырҕәҕәара инаваргыланы, Мрагыларатә партниорра аусхәаҧштә ҿыц ала иазҧхьагәаҭоуп аамҭакьаҿла аконкреттә хықәкқәак рынагӡарагьы, арҭ ахықәкқәа нарыгӡоит Евроеидгыла ала ишьақәырҕәҕәоу, 2.3 миллиард евро иазҧхьагәазҭо (17 миллиард евро аҟара аинвестициа адыҧхьалара апотенциал ала) арегионалтә инвестициатә план инақәыршәаны. Қырҭтәылазы уи ала иазҧхьагәаҭоуп атранспорттәи, аенергетикатәи, арыцхәтәи аимадарақәа рырҕәҕәара, Амшын еиқәа апотенциал инаӡаны ахархәарала. Имҩаҧгахоит атәылауаа ирыхәаша егьырҭ апроектқәагьы. Урҭ иреиуп евро ала ашәара иаку ақәыҧшылара алалара; арегион атәылақәа рыбжьарагьы Евроеидгыла аҟынгьы ароуминг ахә аларҟәра; анаплакра маҷи абжьаратә наплакреи, астартапқәеи рыдгылара; астудентцәеи академиатә гәыҧқәеи рмобилра ацхраареи Европа аидгыларатә корпус „Ерасмус плиуси" „Европа агоризонти" апрограммақәа рхархәара арҭбаареи, уб.егь.
Мрагыларатә партниорра асаммит - Евроеидгылеи Мрагыларатә партниорра атәылақәеи рыбжьара зыҩаӡара ҳараку адиалог аформатуп, уи ҩышықәса рахь знык имҩаҧысуеит. Асаммит аҳәаақәа ирҭагӡаны, уи алахәылацәа зҵакы дуӡӡоу астратегиатәи аполитикатә зҵаарақәа ирыхәаҧшуеит, аганқәа аиқәшаҳаҭрақәа рыбжьарҵоит.
Аиҳaбырa рaдминистрaциa aпрессмaҵзура