2023-12-25
Иахьарнахыс ҳтәылауааи атәым асасцәеи Хахултәи атриптихи, Анчисхати, Аҵҟуртәи Анцәа Иан лныхачаҧеи уҳәа, убас егьырҭгьы ахазынақәа рбар рылшоит, - иҳәеит Қырҭтәыла аҧыза-министр Иракли Ҕарибашвили Қырҭтәыла Ахьтәы фонд ақьырсиантә хазына азал аартра ацеремониаҿы данықәгылоз.
Аиҳабыра рнапхгаҩы ишиҳәаз ала, абжьаратә ашәышықәсақәа ирыҵанакәаз ақырҭуа ҟазацәа аҧхьагылара змаз атехнологиақәеи, адырреи рхы иархәаны, иалкаау агьамала, ашәышықәсақәа рыҩныҵҟа иаҧырҵоз ақьырсиантә хазына абиҧарак рҟынтә даҽа абиҧарак рахь ииасуан.
„Мшыбзиақәа, аб Шио, абацәа, акыр иаҧсоу аҩызцәа, аиҳабыреи апарламенти алахәылацәа, акыр иаҧсоу ажәлар, амедиа ахаҭарнакцәа! Шәызынтәгьы салам шәыҭаны, ҳуаажәларратәи ҳкультуратәи ҧсҭазаараҿы зҵакы дуу абри ахҭыс шәыдысныҳәалар сҭахуп. Иахьа ҳара иааҳартит Қырҭтәыла Ахьтәы фонд ақьырсиантә хазына азал.
Иахьарнахыс ҳтәылауааи атәым асасцәеи Хахултәи атриптихи, Анчисхати, Аҵҟуртәи Анцәа Иан лныхачаҧеи рбар рылшоит.
Абжьаратә ашәышықәсақәа ирыҵанакәаз ақырҭуа ҟазацәа аҧхьагылара змаз атехнологиақәеи адырреи рхы иархәаны, иалкаау агьамала ашәышықәсақәа рыҩныҵҟа иаҧырҵоз ақьырсиантә хазына абиҧарак рҟынтә даҽа абиҧарак рахь ииасуан. Абарҭ ашедеврқәа ишьақәдырҕәҕәоит Қырҭтәыла ақьырсиантә ҟазара атрадициақәа еиҧҟьарада аҿиара ишаҿыз, антикатә традициақәа ишрыдҳәалоу. Ҳтәыла антикатә дунеи ҕәҕәала иадҳәалоуп, абри аимадароуп ақьырсиантә дунеиаҿ ҳтәыла аҭыҧи европатәи аҿиара амҩеи ҳәаақәызҵаз.
Абжьаратә ашәышықәсақәа рзтәи Қырҭтәыла - астратегиатә ҵакы змоу атәыла аҭоурых аарҧшуп ҳтәыла аҟазараҿы, уи аҿы еилаҵәоуп азеиҧш ауаатәыҩсаратә тенденциақәеи амилаҭтә традициақәеи.
Ахазынаҿ иаарҧшу аусумҭа цыҧхьаӡа ахатә ҭоурых амоуп. Ашәышықәсақәа рацәа рыҩныҵҟа дара еиуеиҧшым ауахәамақәеи аберҭыҧқәеи рҿы ишьҭан, анеҩс, ҷыдала асоветтә аамҭақәа раан, амузеиқәа рышҟа ииаган. Ақырҭуа аҵарауаа, акоммунисттә режим аангьы, аџьабаа ду баны, рхы иамеигӡакәа, абри аус рхы ақәҵаны, ауникалтә хазына, амилаҭтә гәадура аиқәырхареи игыло абиҧарақәа рзы ахьчареи рылшеит", - иҳәеит Иракли Ҕарибашвили.
Аҧыза-министр ишазгәеиҭаз ала, ахазына аҭҵаареи ахьчареи аус аҿы жәаҳәарада алагала дуӡӡа ҟарҵеит ҳтәыла иалкаау аҵарауаа, урҭ иреиуп ацқьа Еқвҭиме Ҭаҟаишвилии, Гьаргь Чубинишвилии, Шьалуа Амиранашвилии, убас егьырҭгьы. „Ҷыдала иазгәасҭар сҭахуп ацқьа Еҟвҭиме Ҭаҟаишвили иааҧсара. Шәара ибзиӡаны ижәдыруеит иара 25 шықәса ирылагӡаны, аемиграциаҿы даныҟәаз, иуадаҩӡаз аамҭақәа раан, абри азахына ҳтәылазы еиқәырханы, ишихьчаз. Абри иааҧсара ду азыҳәан, ҳуахәама, ацкьас дазхаҵаны, ацқьа Еқвҭиме Анцәа ихылҵ ҳәа ихьӡанаҵеит.
Еиҭасҳәар сҭахуп - амузеи адиректор ишҳәаиҳәаз ала, иахьатәи аусмҩаҧгатә акыр иаҳзыҧсоу Ҳпатриарх иинтронизациа инаркны 46 шықәса аҵреи 90 шықәса ихыҵреи иазкуп. Ҳазынтәгьы ибзиаӡаны иаадыруеит Апатриарх аҭоурыхи адырреи дшазныҟәо.
Ахьтәы фонд ашьҭаҵарҭақәа рырҿыцра аус иалахәыз ауааҧсыра зегьы ҭабуп ҳәа расҳәоит, амузеи адиректор - ҳаҭыр зқәу Давиҭ Лордқьиҧаниӡе, ҳаҭыр зқәу Ника, аб Вахтанг, аб Кирион, ҳуахәама, Апатриархиа, ҳаҭыр зқәу Ҭеа уҳәа, аӡәы дыбжьасыжьыр сҭахым, зҵакы дуу абри аус анагӡараҿы алагала ҟазҵаз ауаа зегьы ҭабуп ҳәа расҳәар сҭахуп. Ҳуааҧсыра зегьы даҽазнык ирыдысныҳәалоит зҵакы дуу абри ахҭыс - ақьырсиантә ҟазара азал аартра", - иҳәеит аиҳабыра рнапхгаҩы.
Аусмҩаҧгатә асасцәа рҿаҧхьа иқәгылеит: Апатриарх ишьҭрамҭаҩ, Сенакии Чхороҵҟуи амитрополитит Шио Муџьири; Қырҭтәыла Амилаҭтә музеи агенералтә директор Давиҭ Лордқьиҧаниӡе, Шьалуа Амиранашвили ихьӡ зху Қырҭтәыла Аҟазара аҳәынҭқарратә музеи адиректор Ника Ахалбедашвили.
Аҧыза-министр Шьалуа Амиранашвили ихьӡ зху Қырҭтәыла Аҟазара аҳәынҭқарратә музеи ахазына ацәыргақәҵатә қәыҧшылара ибеит, уаҟа ицәыргоуп абжьаратә ашәышықәсақәа ирыҵанакәа ақырҭуа ақьырсиантә хазына, уи ашәышықәсақәа рацәа ирылагӡаны иаҧырҵон, абиҧарак рҟынтә даҽа абиҧарак рахь ииасуан. Ицәыргаз аусумҭақәа иреиуп: лассы-лассы иуҧымло аныхаҩыратә усумҭақәеи аритуалтә зкызаара змоу ауахәаматә маҭәарқәеи. Ахәаҧшцәа ирбар рылшоит Анчитәи Иаҳхылаҧшху иныхачаҧеи, Хахултәи Анцәа Иан лныхачаҧеи, Давиҭ Аргылаҩ иџьари, Ҵилкнистәи Анцәа Иан лныхачаҧеи, Бедиатәи Аҿеи, Ҭамар лџьари, уб. егь.
Аусмҩаҧгатә рхы аладырхәит: авице-аҧыза, Қырҭтәыла акультуреи, аспорти, аҿар русқәеи рзы аминистр Ҭеа Ҵулукиани; Қырҭтәыла апарламентаҿ иҟоу акультура азҵаарақәа рзы акомитет ахантәаҩы Елисо Болқваӡеии, Қырҭтәыла Апатриархиа ахаҭарнакцәеи.
Аиҳaбырa рaдминистрaциa aпрессмaҵзура