15 ივლისს მთავრობის კანცელარიაში კახა ბენდუქიძემ და მსოფლიო ბანკის წარმომადგენლებმა ფინანსური სექტორის განვითარებაზე ისაუბრეს.
მსოფლიო ბანკიდან შეხვედრას ესწრებოდნენ მაიკლ ედვარდსი - ევროპისა და ცენტრალური აზიის რეგიონის კერძო და საფინანსო სექტორის დეპარტამენტის საფინანსო სექტორის წამყვანი სპეციალისტი და ტატა კანდელაკი - საფინანსო სექტორის სპეციალისტი.
მთავრობის კანცელარიის უფროსმა კახა ბენდუქიძემ ისაუბრა საქართველოს საფინანსო სექტორში განხორციელებულ ცვლილებებსა და მიმდინარე პროცესებზე. ამასთანავე, მან ყურადღება გაამახვილა აღნიშნული სექტორის საკანონმდებლო უზრუნველყოფასა და საფინანსო სფეროს პერსპექტივებსა თუ სირთულეებზე.
მსოფლიო ბანკის წარმომადგენლებმა დადებითად შეაფასეს საქართველოს საფინანსო სფეროში გადადგმული ნაბიჯები.
საქართველოს მთავრობის კანცელარიის პრესცენტრი