14 ივლისს მთავრობის კანცელარიაში კახა ბენდუქიძე მსოფლიო ბანკის წარმომადგენლობას შეხვდა.
მსოფლიო ბანკის მხრიდან შეხვედრას ესწრებოდნენ: პიტერ ტომსონი - ევროპის და ცენტრალური აზიის მდგრადი განვითარების დეპარტამენტის დირექტორი; ვან როი საუსვორსი - მსოფლიო ბანკის წარმომადგენელი საქართველოში; ოლივერ ლე ბერი - ინფრასტრუქტურის სპეციალისტი; თამარ სულუხია - ინფრასტრუქტურის წამყვანი სპეციალისტი.
მხარეებმა შეხვედრის დროს საქართველოში ინფრასტრუქტურის განვითარების პერსპექტივებზე, ძირითადად ტრანსპორტის სფეროში არსებულ პროექტებზე ისაუბრეს.
შეხვედრა მსოფლიო ბანკის წარმომადგენლობის ინიციატივით მოეწყო.
საქართველოს მთავრობის კანცელარიის პრესცენტრი