1 ივლისს საქართველოს პრემიერ-მინისტრმა ვლადიმერ გურგენიძემ საქართველოს მთავრობის სახელით მსოფლიო ბანკისგან მიიღო საპატიო სიგელი საქართველოს სიღარიბის დაძლევის ხელშეწყობის პროგრამისთვის (PRSO), რომელმაც გაიმარჯვა მსოფლიო ბანკის პირველ ყოველწლიურ კონკურსში სახელწოდებით: ,,ადამიანთა ცხოვრების გაუმჯობესება ევროპასა და ცენტრალურ აზიაში" ქვეყანაში თვალსაჩინო შედეგებისა და მიღწეული წარმატებებისათვის. პრემიერ-მინისტრს ჯილდო გადასცა ლუკა ბარბონემ, მსოფლიო ბანკის ევროპისა და ცენტრალური აზიის რეგიონის სიღარიბის დაძლევის და ეკონომიკური მართვის დეპარტამენტის დირექტორმა.
2004 წლიდან საქართველოს მთავრობამ ზრდის კარგი ტემპი და მაკროეკონომიკური სტაბილურობა შეინარჩუნა, რაც ჯანსაღი ფისკალური და სავალუტო პოლიტიკისა და სოლიდური სტრუქტურული რეფორმის ერთობლივი გატარების შედეგად იქნა მიღწეული", - აღნიშნა ლუკა ბარბონემ.
სიღარიბის დაძლევის ხელშეწყობის პროგრამა ერთადერთი საბიუჯეტო მხარდაჭერის პროგრამაა, რომელიც მსოფლიო ბანკის ექსპერტთა კომისიამ 22 პროექტიდან შეარჩია ევროპისა და ცენტრალური აზიის რეგიონიდან.
საქართველოს მთავრობის კანცელარიის პრესცენტრი