25 ივნისს სასტუმრო ,,შერატონ მეტეხი პალასში" გაიმართა „აღმოსავლეთ ევროპისა და ცენტრალური აზიისათვის ანტიკორუფციული ქსელის" (AСN - Anti-Corruption Network for Eastern Europe and Central Asia) მე-7 გენერალური შეხვედრა. შეხვედრაში მონაწილეობა მიიღო საქართველოს პრემიერ-მინისტრმა ვლადიმერ გურგენიძემ
აღმოსავლეთ ევროპისა და ცენტრალური აზიისათვის ანტიკორუფციული ქსელი (AСN) შეიქმნა 1998 წელს. ქსელი მოიცავს გარდამავალი ეკონომიკის მქონე ცენტრალური, აღმოსავლეთ და სამხრეთ ევროპის, კავკასიისა და ცენტრალური აზიის ქვეყნებს, აგრეთვე ეკონომიკური განვითარების და თანამშრომლობის ორგანიზაციის წევრ ქვეყნებს. ACN-ის ძირითადი ამოცანაა თავის წევრ ქვეყნებს გაუწიოს დახმარება კორუფციასთან ბრძოლაში ანტიკორუფციული საქმიანობის პოპულარიზაციის, ინფორმაციის გაცვლისა და დონორების კოორდინაციის გზით.
შეხვედრის მსვლელობისას გაიმართა კორუფციასთან ბრძოლაში საქართველოს გამოცდილებისადმი მიძღვნილი სპეციალური სესია.
საქართველოს მთავრობის კანცელარიის პრესცენტრი