19 ივნისს მთავრობის კანცელარიის უფროსმა კახა ბენდუქიძემ მონაწილეობა მიიღო სასტუმრო შერატონ მეტეხი პალასში გამართულ სემინარში: ,,ბიზნესის დაწყება და დახურვა". ღონისძიების ორგანიზატორები იყვნენ ახალი ეკონომიკური სკოლა და USAID-ის ბიზნეს გარემოს რეფორმის პროექტი.
სემინარის მუშაობაში მონაწილეობდნენ ჟურნალისტები, ბიზნესმენები, სახელმწიფო მოხელეები და საფინანსო სექტორის ექსპერტები.
შეხვედრაზე განიხილეს საქართველოში ბიზნესის დაწყებასა და დახურვასთან დაკავშირებული მდგომარეობა, სამეწარმეო საქმიანობის გაადვილებისა და გამარტივებისათვის გატარებული ღონისძიებები, საერთაშორისო ორგანიზაციების მიერ ჩატარებული კვლევების შედეგები.
კახა ბენდუქიძემ ილაპარაკა საქართველოში გატარებულ და სამომავლოდ დაგეგმილ რეფორმებზე, საინვესტიციო გარემოს გაუმჯობესებისათვის საჭირო ღონისძიებებზე, რეფორმირების დროს წარმოშობილ პრობლემებსა და შედეგებზე, საქართველოს ეკონომიკური განვითარების ტენდენციებზე. ამასთანავე, უპასუხა ჟურნალისტების კითხვებს.
საქართველოს მთავრობის კანცელარიის პრესცენტრი