19 ივნისს მთავრობის კანცელარიის უფროსი კახა ბენდუქიძე ყირგიზეთის, ყაზახეთისა და ტაჯიკეთის სამთავრობო სექტორის დელეგაციას შეხვდა. დელეგაციაში სამი ქვეყნის მაღალი რანგის 25 პირი მონაწილეობდა, მათ შორის სხვადასხვა სამინისტროებისა და დეპარტამენტის ხელმძღვანელები.
დელეგაციის ვიზიტის მიზანს საქართველოში მიმდინარე რეფორმების გაცნობა, რეფორმატორებთან შეხვედრა და საქართველოს გამოცდილების გაზიარება წარმოადგენდა.
კახა ბენდუქიძემ ილაპარაკა საქართველოში გატარებულ რეფორმებზე, მათ მნიშვნელობასა და როლზე ქვეყნის ეკონომიკის განვითარებასა და ბიზნესკლიმატის გაუმჯობესებაში.
შეხვედრა USAID-ის ბიზნესგარემოს რეფორმის პროექტის ინიციატივით მოეწყო.
საქართველოს მთავრობის კანცელარიის პრესცენტრი