18 ივნისს მთავრობის კანცელარიის უფროსი კახა ბენდუქიძე გერმანიის ტექნიკური თანამშრომლობის საზოგადოების წარმომადგენლებს შეხვდა.
შეხვედრაში მონაწილეობდნენ გაბრიელე ბიორინგერი - GTZ-ის რეგიონალური ბიუროს დირექტორი; ფრანკ ტიბიტანცლი - GTZ-ის რეგიონალური პროექტის „კერძო სექტორის ხელშეწყობა ამიერკავკასიაში" ხელმძღვანელი; სუზანე ბაუერი - GTZ-ის სპეციალისტი და კონსულტანტი სფეროში: ორგანიზაცია და კერძო ბიზნესის განვითარება; გუსტავ რაიერი - სპეციალისტი და კონსულტანტი სფეროში: პროფესიული განათლება, კვალიფიკაცია და ტრეინინგი;
საქართველოს მთავრობის მხრიდან შეხვედრას ესწრებოდნენ ეკონომიკის მინისტრის პირველი მოადგილე ვახტანგ ლეჟავა, ეკონომიკის მინისტრის მოადგილე თამარ კოვზირიძე, ფინანსთა მინისტრის მოადგილე დიმიტრი გვინდაძე, სოფლის მეურნეობის სამინისტროს წარმომადგენლები.
შეხვედრაზე განიხილეს ამიერკავკასიის რეგიონში კერძო სექტორის განვითარების ახალი პროგრამის დაწყების შემდგომი ნაბიჯები.
შეხვედრა გერმანიის ტექნიკური თანამშრომლობის საზოგადოების (GTZ) ინიციატივით მოეწყო.
საქართველოს მთავრობის კანცელარიის პრესცენტრი