21 მაისს საქართველოს პრემიერ-მინისტრმა ვლადიმერ გურგენიძემ მონაწილეობა მიიღო საქართველოს პარლამენტის არჩევნებში. მან საკუთარი არჩევანი ვაკის რაიონის მე-15 საარჩევნო უბანზე გააკეთა. ვლადიმერ გურგენიძემ ყველას მოუწოდა მაქსიმალურად შეუწყონ ხელი უბნებზე დამკვირვებელთა საქმიანობას, რათა მათ შეძლონ ნორმალურად მუშაობა: ,,აუცილებელია, რომ არჩევნები ჩავატაროთ ღირსეულად და დემოკრატიულად, ქართველი ხალხის ნება სრულიად უნდა იყოს დაცული და გამოხატული. შედეგად, უნდა მივიღოთ ისეთი ქმედითი პარლამენტი, როგორიც ეკადრება ჩვენს ერს. მინდა კიდევ ერთხელ თხოვნით მივმართო საარჩევნო უბნებზე მომუშავე ადამიანებს, რომ ყველა დამკვირვებელს მაქსიმალურად შეუწყონ ხელი მუშაობაში, რადგან დამკვირვებლებს ძალიან მნიშვნელოვანი, საპასუხისმგებლო ფუნქცია აკისრიათ" - განაცხადა პრემიერ-მინისტრმა.
საქართველოს მთავრობის კანცელარიის პრესცენტრი