20 მაისს საქართველოს პრემიერ-მინისტრი ვლადიმერ გურგენიძე კახეთის რეგიონში იმყოფებოდა. მან პროგრამა ,,ჩემი პირველი კომპიუტერის" ფარგლებში სოფელ ვაჩნაძიანის წარჩინებულ მოსწავლეებს საჩუქრად პერსონალური კომპიუტერები გადასცა.
შემდეგ ვლადიმერ გურგენიძე თელავში ჩავიდა და ბიზნესფორუმი გახსნა. მისი შეფასებით, ,,დღევანდელი ბიზნესფორუმი არის იმ ფორუმების ანალოგიური, რომლებიც უკვე ჩატარდა ქუთაისში, ბათუმში და საქართველოს სხვა რეგიონებში. ამ ფორუმებზე შეინიშნება დიდი დაინტერესება როგორც ქართველი, ისე უცხოელი მეწარმეების მხრიდან. კახეთს აქვს უდიდესი პოტენციალი, პირველ რიგში, მეღვინეობის თვალსაზრისით, რომელიც არის კახეთის და მთლიანად ქართული ეკონომიკის ფლაგმანი. თუმცა, უნდა აღინიშნოს, რომ პარალელურად ვითარდება სოფლის მეურნეობის სხვა დარგებიც, რაც ძალიან მნიშვნელოვანია" - განაცხადა პრემიერ-მინისტრმა.
საქართველოს მთავრობის კანცელარიის პრესცენტრი