2 მაისს საქართველოს პრემიერ-მინისტრი ვლადიმერ გურგენიძე გურიაში იმყოფებოდა. მან ოზურგეთსა და ლანჩხუთში ჩაის გადამმუშავებელი საწარმოები დაათვალიერა. ლანჩხუთის საწარმო შედარებით მცირე ზომისაა და მხოლოდ ადგილობრივ ბაზარზეა გათვლილი. ოზურგეთში მდებარე ქარხანაში კი დაახლოებით 1300 კაცი დასაქმდება და წარმოებული პროდუქცია მსოფლიო ბაზარზე გავა. ამჟამად ამ საწარმოებში რეაბილიტაციის სამუშაოები მიმდინარეობს და პროდუქციის გამოშვება დაახლოებით ერთ თვეში იგეგმება.
ორივე საწარმო იაფი კრედიტის მიღების კანდიდატია.
- ,,ჩვენ მაქსიმალურად ვცდილობთ, იაფი კრედიტი განაწილდეს საქართველოს ყველა რეგიონში. მნიშვნელოვანია ისიც, რომ იაფი კრედიტით სარგებლობდნენ როგორც მსხვილი, ისე წვრილი საწარმოები" - განაცხადა ვლადიმერ გურგენიძემ.
პრემიერ-მინისტრთან ერთად გურიაში იმყოფებოდა სოფლის მეურნეობის მინისტრი ბაკურ კვეზერელი.
საქართველოს მთავრობის კანცელარიის პრესცენტრი