საჯარო სამართლის იურიდიული პირის - ილიას სახელმწიფო უნივერსიტეტის რეორგანიზაციისა და საჯარო სამართლის იურიდიული პირის - გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტის დაფუძნების შესახებ
მუხლი 1. „უმაღლესი განათლების შესახებ" საქართველოს კანონის მე-13 მუხლისა და „მეცნიერების, ტექნოლოგიების და მათი განვითარების შესახებ" საქართველოს კანონის 101 მუხლის პირველი პუნქტის საფუძველზე:
1. განხორციელდეს საჯარო სამართლის იურიდიული პირის - ილიას სახელმწიფო უნივერსიტეტის რეორგანიზაცია და საჯარო სამართლის იურიდიული პირის - ილიას სახელმწიფო უნივერსიტეტის დამოუკიდებელი სტრუქტურული ერთეული - გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის დამოუკიდებელი სამეცნიერო-კვლევითი ერთეული დაფუძნდეს საჯარო სამართლის იურიდიულ პირად - გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტად 2012 წლის 1 იანვრიდან.
2. ძალადაკარგულად გამოცხადდეს „საქართველოს განათლებისა და მეცნიერების სამინისტროს სისტემაში შემავალი ზოგიერთი სამეცნიეროკვლევითი დაწესებულების რეორგანიზაციის შესახებ" საქართველოს მთავრობის 2010 წლის 10 სექტემბრის №274 დადგენილების პირველი მუხლის პირველი პუნქტის „ბ" ქვეპუნქტი 2012 წლის 1 იანვრიდან.
3. საქართველოს განათლებისა და მეცნიერების სამინისტრომ განახორციელოს საჯარო სამართლის იურიდიული პირის - გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტის სახელმწიფო კონტროლი.
4. დაევალოს საჯარო სამართლის იურიდიულ პირს - ილიას სახელმწიფო უნივერსიტეტს საჯარო სამართლის იურიდიული პირის - ილიას სახელმწიფო უნივერსიტეტის რეორგანიზაციასთან დაკავშირებული კანონმდებლობით გათვალისწინებული ღონისძიებების გატარება.
5. დაევალოს საქართველოს განათლებისა და მეცნიერების სამინისტროს:
ა) საჯარო სამართლის იურიდიული პირის - გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტის წარმომადგენლობაზე უფლებამოსილი პირის/დირექტორის დანიშვნა;
ბ) საჯარო სამართლის იურიდიული პირის - გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტის წესდების დამტკიცება.
6. დაევალოს საქართველოს ეკონომიკისა და მდგრადი განვითარების სამინისტროს საჯარო სამართლის იურიდიულ პირს - გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტს კანონმდებლობით დადგენილი წესით, სარგებლობის უფლებით გადასცეს შესაბამისი ქონება.
7. საჯარო სამართლის იურიდიული პირი - გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის ინსტიტუტი ჩაითვალოს საჯარო სამართლის იურიდიული პირის - ილიას სახელმწიფო უნივერსიტეტის დამოუკიდებელი სტრუქტურული ერთეულის - გიორგი ელიავას სახელობის ბაქტერიოფაგიის, მიკრობიოლოგიისა და ვირუსოლოგიის დამოუკიდებელი სამეცნიერო-კვლევითი ერთეულის უფლებამონაცვლედ.
მუხლი 2. დადგენილება ამოქმედდეს გამოქვეყნებისთანავე.
პრემიერ-მინისტრი ნიკა გილაური