საქართველოს მთავრობა|Government of Georgia

საქართველოს პრემიერ-მინისტრი ვანო მერაბიშვილი და აჭარის ავტონომიური რესპუბლიკის მთავრობის თავმჯდომარე, ლევან ვარშალომიძე განაგრძობენ აჭარაში სასოფლო-სამეურნეო საწარმოების დათვალიერებას. ციტრუსის გადამამუშავებელი ქარხნის დათვალიერების და ციტრუსის მოყვანით დაკავებულ ადგილობრივ ფერმერებთან შეხვედრის შემდეგ, პრემიერ-მინისტრი ახალსოფელის საჩითილე მეურნეობას ეწვია და ჩითილების გამოყვანის ახლად დანერგილ ტექნოლოგიას ადგილზე გაეცნო.


საჩითილე მეურნეობის საერთო ფართობი 20 000 კვადრატულ მეტრს შეადგენს და სულ 3 მილიონი მაღალი ხარისხის ჩითილის გამოყვანა არის შესაძლებელი. სამომავლოდ საჩითილეს წარმადობის გაზრდა 4 მილიონამდე იგეგმება. მეურნეობაში მაღალი ხარისხის ჩითილების (პომიდორი, კიტრი, ბადრიჯანი, წიწაკა) გამოყენებით ქართველ ფერმერებს საშუალება მიეცემათ ადგილობრივ ბაზარზე კონკურენცია გაუწიონ იმპორტიორ მეწარმეებს. მეურნეობაში დასაქმებულია 36 ადგილობრივი და საშუალო ხელფასი 450 ლარს შეადგენს.