2017-06-26
საქართველოს პრემიერ-მინისტრი გიორგი კვირიკაშვილი B'nai B'rith International-ის დელეგაციას შეხვდა, რომელსაც ორგანიზაციის პრეზიდენტი გარი სოლცმენი ხელმძღვანელობს.
შეხვედრისას საუბარი შეეხო საქართველო-ისრაელის 26-საუკუნოვან მეგობრულ ურთიერთობებს, რომელიც სულ უფრო ვითარდება. მთავრობის მეთაურმა ასევე ყურადღება გაამახვილა ამერიკის შეერთებულ შტატებთან სტრატეგიულ პარტნიორობაზე.
გიორგი კვირიკაშვილი B'nai B'rith International-ის დელეგაციას საქართველოს მიღწევებსა და მთავრობის რეფორმების ოთხპუნქტიანი გეგმის შესახებ ესაუბრა.
ორგანიზაციის პრეზიდენტმა საქართველოს პრემიერ-მინისტრს მასპინძლობისთვის მადლობა გადაუხადა და აღნიშნა, რომ მაქსიმალურად დაუჭერს მხარს საქართველოში ინვესტიციების მოზიდვას, როგორც ისრაელიდან, ასევე - ამერიკის შეერთებული შტატებიდან.
პრემიერ-მინისტრის პრესსამსახური