2008 წლის 20 თებერვალს გაიმართა საქართველოს მთავრობის სხდომა. დღის წესრიგში შეტანილი იყო 36 საკითხი. დღის წესრიგი
სხდომის დაწყებისას საქართველოს პრემიერ-მინისტრმა ვლადიმერ გურგენიძემ აღნიშნა, რომ 19 თებერვალს დაიწყო საზოგადოებასთან ინტენსიური დიალოგი საქართ-ველოს მთავრობის 50-დღიანი პროგრამის განხორციელების შესახებ. მან თქვა, რომ ამ მხრივ მთავრობას ბევრი რამ ექნება გასაკეთებელი. შედგენილია გეგმა-გრაფიკი, რომლის თანახმად ყოველი კვირის განმავლობაში სამინისტროების მიერ 7-8 ღონისძიების განხო-რციელება არის დასახული. ამასთან დიდი მნიშვნელობა აქვს ანგარიშვალდებულების მაღალ ხარისხს, რადგან ინფორმაცია პროგრამის განხორციელების შესახებ, რომელიც მიეწოდება მასობრივ საინფორმაციო საშუალებებს, განთავსებულ იქნება შესაბამის ვებ-გვერდზე.
საქართველოს პრემიერ-მინისტრმა მოუწოდა სამინისტროებს უფრო მჭიდროდ ითანამშრომლონ მასმედიის წარმომადგენლებთან, საზოგადოებასთან და დასძინა, ხალხი უნდა ხედავდეს, რომ ჩვენ ვმუშაობთ აქტიურად, მიზანმიმართულად, არაქაოსურად, რომ ჩვენი საქმიანობის სამი ძირითადი ამოცანაა დასაქმების პრობლემა და საინვესტიციო კაპიტალის მოზიდვა, სოფლის აღორძინება, პენსიები და სოციალური დახმარებები, რომელთა გადასაწყვეტად მთავრობა ყოველ ღონეს იხმარს, რათა 50-დღიანი პროგრამის ყველა კომპონენტი უცილობლად შესრულდეს მითითებული ვადების მაქსიმალურად დაცვით.
საქართველოს მთავრობის კანცელარიის საორგანიზაციო დეპარტამენტი