საქართველოს მთავრობის დადგენილება №266
05 დეკემბერი, 2007
,,სამუშაო ადგილებზე პროფესიული მომზადების (გადამზადების) მიზნობრივი სახელმწიფო პროგრამის დამტკიცების შესახებ" საქართველოს მთავრობის 2007 წლის 1 დეკემბრის N264 დადგენილებაში ცვლილებების შეტანის თაობაზე
მუხლი 1. ,,ნორმატიული აქტების შესახებ" საქართველოს კანონის 36-ე მუხლის შესაბამისად ,,სამუშაო ადგილებზე პროფესიული მომზადების (გადამზადების) მიზნობრივი სახელმწიფო პროგრამის დამტკიცების შესახებ" საქართველოს მთავრობის 2007 წლის 1 დეკემბრის N264 დადგენილებით (სსმ, 2007 წელი, N172, მუხლი 1907) დამტკიცებულ ,,სამუშაო ადგილებზე პროფესიული მომზადების (გადამზადების) 2007-2008 წლების მიზნობრივ სახელმწიფო პროგრამაში" შეტანილ იქნეს შემდეგი ცვლილებები:
1. მე-2 მუხლის ,,ა.გ" ქვეპუნქტი ჩამოყალიბდეს ახალი რედაქციით:
,,ა.გ) პროფესიული მომზადების/გადამზადების მაძიებელი შეიძლება იყოს 25-65 წლამდე ასაკის საქართველოს მოქალაქე. პროგრამის მონაწილე მაძიებელთა მაქსიმალური რაოდენობა შეადგენს 100 000 (ასი ათასი) პირს;".
2. მე-4 მუხლის მე-7 პუნქტი ჩამოყალიბდეს შემდეგი რედაქციით:
,,7. დამსაქმებლის/პროფესიული მომზადების ცენტრის მიერ შევსებული და შესაბამისი ხელმოწერებით დადასტურებული დასაქმების ბარათის პირველ ნაწილს მაძიებელი წარადგენს შესაბამის საბანკო დაწესებულებაში. საბანკო დაწესებულება უზრუნველყოფს დადგენილი წესით შევსებული და დამოწმებული ბარათის ჩაბარებას და მაძიებლისათვის სახელმწიფო სტიპენდიის პირველი ნაწილის ავანსის სახით გაცემას.".
მუხლი 2. დადგენილება ამოქმედდეს 2007 წლის 1 დეკემრიდან.
ვიცე-პრემიერი გიორგი ბარამიძე